1 Jean 1:6 - Nouveau Testament en Gulay 2004

⁶ Ke nè á jè tami j’edi nè j’umi nan’t nan’t bɔk se Nube nè jè njiyei dann tilkus’t kêl karé ɓai ɓaa, jè tami tà lanm nal ra ngarankum nyan se ndɔge malang.

1 Jean 1:6 ပူးပေါင်းရင်းမြစ်များ

Matthieu 7:22

Ndɔ gangtà’t ɓaa, dooge bule à deji man kedi nè: «Ngar, Ngar, ké ndɔ ke j’ile mber se rii lé wa? Ké ndɔ ke jè rɔ ndilge ke majelé kɔke se rii lé wa? Ké ndɔ ke j’unn rii jè ra’n nyankɔbege lé wa?»

Jean 11:10

Ke nè á doo karé njiye dann loondul’t ɓaa, nyan à tuge’n kade aw tebel-tebel tede lookar goto rann’t.

Jean 12:35

Jésu ile de dè’t ede nè: – Sei awi se lookar dann si’t laa mbɔr ɓai. I njiyei awi se gir kàde m adi tilkus sebe dè si’t rebe lé. Titeke bè á tilkus à ree kube’n sei nang bɔp lé. Doo ke njiye dann tilkus’t nga ger loo ke aw ke tutu lé.

Jean 12:46

Man nga m’ee lookar ke m’ree dè nang nè. Nanan ke unde kêm’n dèm’t ɓaa à ndi dann tilkus’t se ndɔ’n-ndɔ’n lé.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Jean 8:55

Sei ɓaa i geri Nube lé, nè man ɓaa m’ger’n. Ke nè á m’tam m’ede nè m’ger’n lé ɓaa, m’ayé k’ee njè tà lanm titeke sei bè tɔ. Nè man ɓaa, m’ger’n, gir’n ke nè á m’an’n dè tà le’n sêw-sêw.

1 Timothee 4:2

Njé ke nange à ei njé tà lanmge se njékede gosge le súi made dege kade ndemi. Njé tà lanmge se njékede gosge nè nga tàgir le de ke kem̂ de’t wei mɔk-mɔk tite dò ke tɔl se nar nyan ke kule poro kade ker mbon bè.

Jacques 2:14

Ngakonmge, ke nè á doo karé tam ede nè: «M’unde kem̂’m dè Nube’t» anje ra kule dè’t ɓaa, ké kundekem̂ le’n nè nga à kaje’n wa?

Jacques 2:16

Bainléa doo karé dann si’t ede de ede nè: «Awi i ndii se kem̂lom, ulei kubu ra si’t, usei nyan i ndanni a tɔ» nal kade adi de nyange ke awi ndoo’n le ndii kumgajer nga ɓaa, ké ri á à è soo’t tede le de wa?

Jacques 2:18

Nè doo karé à tam kede nè: «I, i ndi se kundekem̂ a, man m’aw se kule rage a tɔ.» M’a m’tel deje’n kede nè: «I tɔje’m kundekem̂ lei ke anje ra kule dè’t nga ade m’an ɓaa, man géa m’a m’tɔji kundekem̂ le’m se kulege ke m’ra dè’t kade an tɔ.»

1 Jean 1:10

Ke nè á jè tam j’ede nè jè ra kaiya lé ɓaa, jè ra Nube ke njè tà lanm a, tà le’n urkei kem̂ jé’t lé a tɔ.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 1:8

Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

1 Jean 4:20

Ke nè á doo karé tam ede nè n’tár Nube, nè è ɔr ngokon’n njêt ɓaa, doo nè nga è njè lanm karè. Doo nè nga è njè lanm tede doo ke mbate tár ngokon’n ke an’n se kum’n nga ɓaa asekum tár Nube ke è an’n se kum’n lé nga ndan lé.