1 Jean 1:3 - Nouveau Testament en Gulay 2004

³ Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

1 Jean 1:3 ပူးပေါင်းရင်းမြစ်များ

Jean 17:11

Nain ngɔr ɓaa man m’inye nang nè ta, tede m’a m’tel kaw rai’t gugu nú. Nè dé ɓaa, dé nain dè nang nè ɓai. Bɔ’m ke njèkêmnda káng, i ngonm de se tɔgmong lei ke ade’m kade d’um nan’t bɔk titeke jè sei j’um’n nan’t bɔk bè tɔ.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 17:25

Bɔ’m ke njèkêmkanm, i njè ra nyan se dè naje’n, dooge ke dè nang nè geri nin lé, nè man ɓaa m’geri. Njé ke i ade’m se de nga geri maje titeke è i kuwe á ule’m.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Nyanra Njekawkulege 13:32

Jè géa, j’ile mber Tà ke Maje nè nga j’ade sei: Ndukunn ke ndɔ ke Nube unn ade kà jéige nga,

Nyanra Njekawkulege 13:41

«An-in! sei njé nede Nubege! Adi ndil si tee an-in soin soin ɓita weii ɓai. Loo ke i ndii se dè si dɔ ɓai nè kuwe, m’a m’ra nyan karé ke dum kum. Ke nè á doo ɔr ser’n ade sei géa, sei a umi kêm si dè’t lé.» Adi nyan nè tee dè si’t lé gar-gar.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nyanra Njekawkulege 20:27

Kerɔte kuwe, m’ɓɔyɔ se si dè nyan karé bè lé, nè nyan malang ke Nube ɔje nga m’ede sei m’ade ooi mbak.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

Nje Ke Rome 15:27

Njé ke Macédoine se Achaie in-in se kêm de ei kuwe rai titeke bè le kɔr’n kure le Juipge dè de’t kɔke. Kerɔte kuwe, ke nè á girkoje dooge malang d’oré nan se Juipge dè nyan ke ɔje dè Ndil nga ɓaa, gar-gar è tà le de le ra se Juipge dè nyan ke ɔje dè danra de’t tɔ.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 1:9

Nube ke ɓar sei kade umi nan’t bɔk se Ngonn’n Jésu-Krist Kuwe-ɓee le jéi nga, è njè kube go ndukunn le’n kinye lé.

1 Nje Ke Corinthe 15:1

Ngakonmge, man m’olé kêm si dè Tà ke Maje ke ndɔ ke m’ile m’ber’n m’ade sei nga, sei taai se kêm si ɓá. Ɗarinè sei i bai nja si nang tutu maje.

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

Nje Ke Philippes 2:1

Ke nè á nyan gɔl kem̂ jéi ke j’umi nan’t bɔk se Krist tò a, ke nè á nyan ke ade kem̂ jéi oso nang pon dè tár nan’t tò a, ke nè á kum nan’t bɔk se Ndil-Kem̂nda tò a, ke nè á kan kumndoo le nan tò a, ke nè á ra kem̂kanm se nan tò dann si’t a tɔ ɓaa,

Nje Ke Philippes 3:10

Man m’ndinge ra’m le ger gel Krist, le ger tɔgmong kunde loo tee dann njé ke koo’t le’n. M’ndinge ra’m le korè se’n nan dè kem̂kon’t le’n a, se le tel tanan se’n dè kwei’t le’n a tɔ.

Nje Ke Colosses 1:13

E uwe jèi wont ji tɔgmong’t le tilkus ɔr jèi ree se jéi kem̂ Konɓee’t le Ngonn’n ke è kotár le’n.

1 Nje Ke Thessalonique 1:10

Ɗarinè sei nginei Ngonn le Nube ke à in danran. Ngonn nè nga, è Jésu ke ndɔ ke Nube ade unde loo tee dann njé ke koo’t. Jésu à in danrán tel ree le kɔr jèi tà wong ke ndi à ree.

1 Timothee 6:2

Ɓerge ke kuwe dege ei njétaakem̂-Kristge nga, ei à kilei koje dè kuwe dege’t nè m ei à kidi de tede k’ei ke ei njétaakem̂-Kristge bè lé. Nè gar-gar ei à rai kule maje dum ke kété kadi de, tede kuwe dege ke dé ra kule maje d’ade de nè nga ei kotárge le Nube. I ndó de tà nyange nè a, i ndeje de a tɔ.

Hebreuge 2:12

Kerɔte kuwe Jésu ede Nube ede nè: «M’a m’tee se rii non ngakonmge’t a, m’a m’ɗɔyi se pa dann kosdooge ke Israel a tɔ.»

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

2 Pierre 1:16

Ger ke ndɔ ke j’adi i geri tɔgmong a, se ndɔ tel le Jésu-Krist Kuwe-ɓee le jéi nga, jè ndolé’n go kumkunju le sútàge lé. Nè j’ɔrgo nyange nè nga j’ade sei tede ndubra le’n ke ndɔ ke jè kuwe j’an se kum jé.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 1:5

Nube è lookar, tilkus karé bè géa goto rann’t. E ke nè a è tà ke j’oo tà Jésu-Krist’t á j’ɔr gir ndát-ndát j’ade sei.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.