1 Jean 1:1 - Nouveau Testament en Gulay 2004

¹ Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 1:1 ပူးပေါင်းရင်းမြစ်များ

Tà ke Maje ke Luc ndang 1:2

se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Tà ke Maje ke Luc ndang 24:39

An-in! jimge se njamge ɓaa a i geri titeke è man kuwe. Ɔdi ra’m an-in. Tede ndil doo ke koo nga aw se danra’n se kinge ra’n tite le’m man bè lé.

Jean 19:35

Doo ke njèkɔrgo tà nè kede sei nga an nyange nè se kum’n. Tà ke è ɔrgo nga è ngarankum tà. Doo nè nga ger titeke è tam ngarankum tà le kade sei géa undei kêm si dè Jésu’t tɔ.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

Jean 5:26

Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Jean 8:58

Jésu ede de ede nè: – Kerɔte kuwe, man m’ede sei ndàt, man m’ndi tutu kété ɓita kade d’oje kà si Abraham nga ɓai.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

1 Jean 5:7

Njékɔrgo tàge nè nga ei mute.

Lookilera’n 1:11

Ndu doo ke ɓar beng á m’oo nè nga, ede’m ede nè: «Nyan ke i an se kumi ɗarinè nga, i ndang kem̂ magtub’t ule’n ade njékebe nange le gir ji sejimute ke ɓeekon ke Asie: Ephèse, Smyrne, Pergame, Thyatire, Sardes, Philadelphie a, se Laodicée a tɔ.»

Lookilera’n 1:8

Kuwe Nube tam ndàt ede nè: «Man nga m’ee ke desêin a, ke ngeinn’t a tɔ. Man m’ndi tutu kété ke mari sár tee ɓila. M’ndi m’aw sei non.»

Lookilera’n 19:13

Kubu ke ule rann’t nga è ke d’ule dann mese’t. Doo nè nga ri’n nè «Tà le Nube.»

Lookilera’n 2:8

Doo ke m’an’n nga tam ede nè: «I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Smyrne. E ke kété desêin se è ke ngeinn’t, è wei kété ɓita tel ndi kumgajer nga tam ede nè: