Rome 9:8 - De Nyew Testament

⁸ Dat mean fa say dat God ain pick all de chullun bon eenta Abraham fambly fa blongst ta God fambly. Steada dat, jes de chullun bon cause God promise um ta Abraham, dey blongst ta Abraham true fambly wa God pick.

Rome 9:8 ပူးပေါင်းရင်းမြစ်များ

Matthew 3:9

An oona mus dohn tink say, ‘We de chullun ob Abraham.’ Dat ain gwine sabe oona. A da tell oona, God able fa tek dem stone yah an ton um eenta Abraham chullun!

John 1:13

Dey ain git fa be chullun ob God same way like people een de wol hab chullun. Dey ain chullun ob God cause dat wa somebody wahn, needa cause some man wahn dat fa be. Bot God esef mek um come fa be e chullun.

Rome 8:14

Den all de people wa da leh God Sperit lead um, dey God chullun.

Rome 8:16

God Sperit da jine wid we own sperit, fa say we God chullun.

Rome 8:19

All de ting dem wa God done mek da wait, da look fowaad fa de time wen God gwine show whodat e chullun da.

Hebrew 11:11

Cause Abraham trus God, e an Sarah been able fa bon a chile ob dey own, eben dough Abraham been too ole, an fo dat time Sarah ain been able fa bon no chullun. Cause Abraham trus God, dat e gwine do wa e promise.