Rome 9:6 - De Nyew Testament

⁶ A ain da tell oona dat God ain do wa e been promise fa do. Fa sho, God do wa e promise, cause ain all de people dem wa bon eenta Israel fambly blongst ta de true Israel people dem wa God pick.

Rome 9:6 ပူးပေါင်းရင်းမြစ်များ

Matthew 24:35

De eliment an de wol esef ain gwine las faeba, bot me wod gwine las faeba an eba.

John 1:47

Wen Jedus see Nathanael da come, e say, “Look! Dis yah a Israel man fa true. Ain no lie bout um."

John 10:35

We know dat wa dey done write een God Book true all de time. An God done say ta de people wa e gii e wod ta, dat dey god dem.

Rome 3:3

Some dem Jew ain do wa God wahn um fa do, ainty? Dat ain mean dat cause ob dat, God ain gwine keep ta e wod.

Rome 9:4

De people ob Israel, dey de people wa God done pick, an God done mek um e chullun an share e glory wid um. E mek e cobnant dem wid um, an e gim de Law. God show um de right way dat dey oughta woshup um, an e gim e promise dem.

Galatia 6:16

A da pray dat God gii peace an mussy ta all dem people wa lib dis way dat A done tell um, all dem wa God people.

Philippi 3:3

Bot we de people wa been circumcise fa true. Cause God Sperit da hep we woshup God, an we da rejaice een we life een Jedus Christ. An we ain pit no hope een nottin dat people do ta dey body fa try fa show dat dey God people.

2 Timothy 2:13

Ef we ain faitful, stillyet e gwine be faitful ta we. Cause fa true e ain gwine change wa e da, needa wa e promise we.”