Rome 8:14 - De Nyew Testament

¹⁴ Den all de people wa da leh God Sperit lead um, dey God chullun.

Rome 8:14 ပူးပေါင်းရင်းမြစ်များ

Matthew 5:9

Dey bless fa true, dem wa da wok haad fa hep people lib peaceable wid one noda, cause God gwine call um e chullun.

John 1:12

Stillyet, some bleebe pon um. Ta all dem, e gim de right fa be chullun ob God.

Rome 8:19

All de ting dem wa God done mek da wait, da look fowaad fa de time wen God gwine show whodat e chullun da.

Rome 8:5

De people wa da lib de way dey sinful haat tell um fa lib, dey jes da tink all de time bout wa dey sinful haat wahn fa do. Bot de people wa da lib fa do wa God Sperit tell um fa do, dey jes da tink all de time bout wa de Sperit wahn um fa do.

Rome 8:9

Bot oona ain da do wa ya sinful haat tell ya fa do. Ya da do wa God Sperit tell ya, ef God Sperit da lib dey eenside ya. An ef Christ Sperit ain da lib eenside a poson, dat one dey ain blongst ta Christ.

Rome 9:26

An een dat same place weh God tell um say, ‘Oona ain me own people,’ een dat same place dey, de God wa da lib gwine call dem e own chullun.”

Rome 9:8

Dat mean fa say dat God ain pick all de chullun bon eenta Abraham fambly fa blongst ta God fambly. Steada dat, jes de chullun bon cause God promise um ta Abraham, dey blongst ta Abraham true fambly wa God pick.

2 Corinth 6:18

A gwine be oona Fada, an oona gwine be me son an daughta dem, Dat wa de Lawd, wa got powa mo den all, say.”

Galatia 3:26

Cause oona trus een Jedus Christ, God done mek all ob oona e chullun.

Galatia 4:5

E come fa sabe de people wa dey onda de Jew Law, so dat we all kin come fa be God own chullun.

Galatia 4:6

An cause oona come fa be God chullun, God sen de Sperit ob e Son eenta we haat. An dat de Sperit dat call out ta God say, “Fada, me Fada!”

Galatia 5:16

A da tell oona say, oona oughta lib de way God Sperit tell oona fa lib. Den oona ain gwine do jes wasoneba ting oona sinful haat wahn fa do.

Galatia 5:18

Bot ef oona da lib een de way God Sperit tell oona fa lib, den de Law ain rule oba oona tall.

Ephesus 1:5

Cause God lob we, e done cide fohan fa hab Jedus Christ come fa bring we ta um, so dat we gwine come fa be God own chullun, an dat mek um too heppy.

Ephesus 5:9

Cause ebryting wa good an wa right an wa true da come fom de light.

1 John 3:1

Look yah! We oughta study pon how de Fada da bless we wid e lob! E da lob we sommuch dat e call we e own chullun, an we e chullun fa true. People ob de wol ain been know who God da, an cause ob dat, dey ain know we.

1 John 3:24

Ebrybody wa da do wa God chaage um fa do, dat one da lib een God, an God da lib dey een dat poson haat. We know e da lib een we haat cause ob de Holy Sperit dat e gii we.

Revelation 21:7

Dem wa still stan scrong atta Satan done try um dey gwine git dem ting yah. An pontop dat, A gwine be dey Fada an dey gwine be me chullun.