Rome 7:12 - De Nyew Testament

¹² So den, de Law come fom God. E holy. An wa de Law tell we fa do, dat holy, an e right fa we fa do, an e good fa we.

Rome 7:12 ပူးပေါင်းရင်းမြစ်များ

Rome 12:2

Oona mus dohn do tall like de people een dis wol do. Steada dat, ya mus leh God change de way ya tink, so dat all wa ya da do gwine change. Dat gwine mek ya able fa know wa God wahn, wa good, an wa da please um, an how ya kin lib jes like ya oughta lib.

Rome 3:31

Dat mean fa say, cause we bleebe pon Jedus, we say de Law ain mean nottin ta we? No, dat ain true tall! We ain gwine push de Law ta one side. Steada dat, wen we bleebe pon Jedus, we show dat de Law mean sompin fa true.

Rome 7:14

We know dat de Law come fom God, bot A a poson wa slabe ta sin.

Rome 7:16

Wen A da do wa A ain wahn fa do, dat show dat A gree dat de Law right.

1 Timothy 1:8

We know dat de law good, ef people folla um like dey oughta folla um.