Rome 6:18 - De Nyew Testament

¹⁸ God done set oona free fom de powa ob sin, an now ya done come fa be slabe fa God, an lib fa um.

Rome 6:18 ပူးပေါင်းရင်းမြစ်များ

Luke 4:18

“De Sperit ob de Lawd pon me. E done pick me fa tell de Good Nyews ta de po people. E done sen me fa tell dem wa ain free, say, ‘Oona gwine be free.’ E sen me fa tell de bline people, say, ‘Oona gwine see gin.’ E sen me fa free dem wa da suffa.

John 8:32

Den oona gwine know de trute, an de trute gwine mek oona free.”

John 8:36

So ef God Son mek oona free, den oona gwine be free fa true.

Rome 6:14

Sin mus dohn rule oba ya life, cause ya ain lib onda de law no mo. Ya da lib onda God blessin.

Rome 6:22

Bot now God done set ya free so dat sin ain rule oba ya no mo. Oona God slabe now. Oona done gii God all oona life fa lib fa um fa true. An dat life gwine las faeba an eba. Dat de payback ya git!

Rome 6:7

Cause wen somebody done dead, sin ain got no powa oba um no mo.

Rome 8:2

Cause de Holy Sperit, wa da gii we nyew life coddin ta wa Jedus Christ done fa we, e bring a law ob life wa set me free fom de powa ob de law ob sin an det wa beena rule oba me.

Galatia 5:1

Christ mek we free so dat we gwine be free people fa true. So den, leh we stan scrong an lib de way free people oughta lib. Mus dohn leh people mek oona lib like slabe gin.

1 Peter 2:16

Lib like people wa free, bot dat ain mek oona free fa kiba op no ebil. Lib like people wa da wok fa God.