Rome 4:2 - De Nyew Testament

² Ef God mek all ting right twix Abraham an esef cause ob wa Abraham done, Abraham been gwine hab sompin fa brag bout. Bot e cyahn brag ta God bout dat.

Rome 4:2 ပူးပေါင်းရင်းမြစ်များ

Rome 15:17

So cause A one wid Jedus Christ, A kin be proud ob me wok fa God.

1 Corinth 1:29

Cause ob dis, dey ain nobody kin brag bout nottin front ob God.

1 Corinth 1:31

So den, like dey write een God Book say, “Ef people wahn fa brag, leh um brag bout wa de Lawd done.”

1 Corinth 4:7

Whodat mek oona mo betta den oda people? God gii oona wasoneba oona got, ainty? So den, ef dat so, hoccome oona da brag an mek like God ain gii oona wa oona got.

1 Corinth 9:16

Stillyet, wen A da preach de Good Nyews bout Jedus Christ, A ain got no right fa brag. A haffa do dat. E gwine be too bad fa me ef A ain tell de Good Nyews ebryweh.

2 Corinth 11:12

A gwine still keep on da do wa A da do now, so dat dem oda people wa some call postle, ain gwine git no reason fa brag, say dey da do de same wok jes like we da do.

2 Corinth 11:30

Ef A haffa brag bout de good ting dem A done, A gwine brag bout dem ting wa show dat A ain scrong.

2 Corinth 5:12

We ain da try fa tell oona gin dat we good. We da try fa gii oona good reason fa be heppy cause ob we. Den oona gwine be able fa ansa dem wa da brag bout wa people da do so dat oda people kin shim, steada bout wa dey eenside a poson haat.

Galatia 3:22

Bot dey write een God Book say, sin da rule all de wol, so dat God gwine gii dem wa trus een Jedus Christ wa e promise fa gim. An wa e promise fa gim come jes wen dey trus een Jedus.

Ephesus 2:9

So den, oona ain got nottin fa brag bout, cause dey ain nottin oona kin do fa sabe oonasef.

Philippi 3:9

A wahn fa be one wid Christ. Ain no mo wa A da do, fa keep de Jew Law an tink say dat mek all ting right twix me an God. Now all ting right twix me an God cause A trus een Christ. God mek all ting right twix people an esef cause dem people trus een Christ, jes dat.