Rome 3:19 - De Nyew Testament

¹⁹ Now den, we know dat ebryting wa done been write een de Jew Law da taak ta dem people wa spose fa lib coddin ta dat Law. De Law dey so nobody kin say e ain know wa right fa do, an so all de people een de whole wol gwine haffa ansa ta God fa wa dey done.

Rome 3:19 ပူးပေါင်းရင်းမြစ်များ

John 15:25

Bot dat so e haffa be, so dat dem ting kin come same like wa been write een dem people own Law say, ‘Dey hate me, bot A ain done nottin fa mek um hate me.’

John 8:9

Wen dey yeh wa Jedus say, dey all lef dey, one by one. De ole one dem fus come outta dey, an den de nyoung one dem. So den jes Jedus been lef, an de ooman beena still stanop dey.

Rome 1:20

Fom de time wen God mek de wol, people been able fa know plain dat God got powa wa dey faeba, an dat e de true God. People ain see dem ting bout God wid dey eye, bot dey kin know um, cause dey kin ondastan um fom de ting dem dat God been mek. So den, ain nobody kin say dat e ain know e da sin.

Rome 3:2

A da tell oona say, dey plenty good ting fa de Jew dem een ebry way! Fus off, God gii e wod ta de Jew dem so dey gwine keep um an tell oda people.

Rome 3:23

All people done sin an ain able fa do right nuff fa medja op ta God glory.

Rome 3:4

Fa true, dat ain so tall! God gwine keep ta e wod fa sho, eben ef all people da lie. Jes like dey done write een God Book, say, “Ebry time God da taak, people see dat wasoneba e say, dat right, fa true. God gwine win out oba ebrybody wa cuse um.”

Rome 3:9

Well den, wa we kin say? We Jew people, we betta een God eye den dem oda people wa ain Jew? No, we ain no betta, eben a leetle bit! Cause A done show oona dat sin da rule oba all people, oba de Jew people, an oba dem wa ain Jew.

1 Corinth 1:29

Cause ob dis, dey ain nobody kin brag bout nottin front ob God.

Galatia 3:10

De one wa tink ebryting gwine be right twix um an God cause e da try fa do wa de Jew Law say, dat one dey da lib all de time da know God gwine pit e cuss pon um. Cause dey write een God Book say, “God gwine pit e cuss pon de one wa ain da do all de time all dat de Book ob da Jew Law say.”

Galatia 4:21

See yah, oona wa wahn fa hab de Jew Law rule oba oona, oona ain ondastan fa true wa de Jew Law say, ainty?

Galatia 4:5

E come fa sabe de people wa dey onda de Jew Law, so dat we all kin come fa be God own chullun.

Galatia 5:18

Bot ef oona da lib een de way God Sperit tell oona fa lib, den de Law ain rule oba oona tall.