Rome 16:4 - De Nyew Testament

⁴ Dey been ready fa dead fa me sake. Me an all de choch people wa ain Jew da tell um tankya.

Rome 16:4 ပူးပေါင်းရင်းမြစ်များ

John 15:13

Ain nobody hab no mo lob den de one wa gii e life fa de sake ob e fren dem.

De Postle Dem 15:26

Wen some people wahn fa kill um, Paul an Barnabas been ready fa dead, fa wok fa we Lawd Jedus Christ.

De Postle Dem 15:41

Paul gone all oba Syria an Cilicia. E beena courage an hep de choch people dey.

De Postle Dem 16:5

So de choch people bleebe mo an mo, an ebry day mo people jine um.

De Postle Dem 9:31

Jurin dat time, nobody ain mek de choch people all oba Judea an Galilee an Samaria suffa no mo. Dey come fa be mo scronga een de fait, an de Holy Sperit beena hep um, so dat mo an mo people bleebe pon Jedus. Dey beena do wa God wahn, da gii hona ta de Lawd.

Rome 16:3

A da tell Priscilla an Aquila hey. Dey beena wok fa Jedus Christ wid me.

Rome 16:5

An A da tell de choch people wa da meet een dey house, hey. A da tell me deah fren Epaenetus hey. E been de fus one fa bleebe pon Christ een de province ob Asia.

Rome 5:7

Ain haadly eba happen dat somebody gwine dead fa sake ob noda poson, eben wen dat poson da do wa right. Stillyet, fa sake ob noda poson wa good an kind, a poson might eben hab courage nuff fa dead.

1 Corinth 16:1

Leh we taak now bout de money oona gwine geda fa hep God people. Oona mus do jes like A been chaage de Christian dem een de choch dem een Galatia fa do.

1 Corinth 7:17

Ebrybody oughta lib e life de same way dat de Lawd mek fa um, like e been wen God call um. Dis de chaage A gii een all de choch dem.

Philippi 2:30

Cause fa de sake ob Christ wok, e pit e life een danja an e mos dead fa mek op fa de hep dat oona ain been able fa gii me.

1 Thessalonica 2:14

Me bredren, de same ting wa been happen ta de people ob God choch dem wa blongst ta Jedus Christ een Judea, dem ting happen ta oona too. Jes like de Jew people beena mek God people een Judea suffa, same way so, oona own countryman dem beena mek oona suffa.

1 John 3:16

Now den, dis mek we ondastan wa lob mean: Christ done gii e life fa we sake. Same fashion, we too oughta gii we life fa sake ob we bredren.

Revelation 1:4

A, John da write ta oona wa dey een dem seben choch een de arie ob Asia. A pray dat God, wa dey now, an wa been dey fo dis wol been mek, an wa gwine come back ta dis wol, bless oona an gii oona peace. Same way so, A pray dat God seben sperit dem, wa stanop fo e shrone weh e seddown da rule, bless oona an gii oona peace.