Rome 16:23 - De Nyew Testament

²³ Gaius da tell oona hey. A da stay een e house an all de people ob de choch da meet een e house, too. Erastus, wa da keep de money fa de city, an we Christian broda Quartus da tell oona hey. [

Rome 16:23 ပူးပေါင်းရင်းမြစ်များ

De Postle Dem 19:22

Timothy an Erastus been two ob dem dat beena hep Paul dey. Paul sen um on ta Macedonia, an e stay on fa a leetle wile mo een de arie ob Asia.

De Postle Dem 19:29

Fus ting ya know, de whole city been een a ruckus. De people grab hole ta Gaius an Aristarchus. Dem two man been fom Macedonia an beena trabel long wid Paul. De crowd tote um an gone quick ta de place weh de people been.

De Postle Dem 20:4

Wen Paul lef, Sopater dat come fom Berea gone long wid um. Sopater been Pyrrhus boy. De oda people dat gone long wid Paul been Aristarchus an Secundus fom Thessalonica, Gaius fom Derbe, an Timothy, an Tychicus an Trophimus dat come fom de arie ob Asia.

Rome 16:24

A da pray dat de blessin ob we Lawd Jedus Christ be wid all ob oona. Amen.]

1 Corinth 1:14

A tank de Lawd dat A ain bactize none ob oona, cep fa Crispus an Gaius.

2 Timothy 4:20

Erastus beena stay een Corinth, an A lef Trophimus een Miletus, cause e been sick.