Rome 14:10 - De Nyew Testament

¹⁰ So, ain none ob oona oughta jedge ya Christian broda, ainty? An ain none ob oona oughta tink e mo betta den noda Christian broda, ainty? Cause we all got fa stanop fo God wa gwine jedge we.

Rome 14:10 ပူးပေါင်းရင်းမြစ်များ

Matthew 7:1

“Mus dohn jedge oda people. Den God esef ain gwine jedge ya.

Luke 18:9

Jedus tell one paable ta de people dem wa tink dat dey beena do right an hole all de oda people cheap.

Luke 23:11

An Herod an e sodja dem hole Jedus cheap. Dey laugh an suck dey teet, shrow insult pon um. An dey mek um weah a fine robe, like a king weah. Den Herod sen Jedus back ta Pilate.

John 5:22

Fodamo, de Fada esef ain jedge nobody. E done gii e son all tority fa jedge people.

De Postle Dem 10:42

E chaage we, say we mus tell people ebryweh de Good Nyews. E tell we say we mus tell um how God been pick Jedus fa jedge all de people wa done dead an all dem wa ain pass oba yet.

De Postle Dem 17:31

Cause God done pick de day wen e gwine jedge all people. An e gwine jedge um all scraight an right. An God done pick de man dat gwine be de jedge ob all de people. God mek we all able fa know fa sho bout dis, wen e mek dat man e done pick, git op fom mongst de dead people an lib gin. Dat show we all fa true.”

De Postle Dem 4:11

God been taak bout Jedus wen e say, ‘De same stone dat oona ain wahn wen oona build, dat de one wa done come fa be portant mo den all de oda res!’

Rome 2:16

So coddin ta wa de Good Nyews wa A da tell people say, all dem ting yah gwine happen pon dat day wen God gwine sen Jedus Christ fa jedge de secret ting dem wa all people da tink een dey haat.

1 Corinth 4:5

So oona mus dohn jedge nobody fo de right time come. Oona mus wait til de Lawd come. E gwine bring ta light de ting dem wa dey een de daak now. E gwine mek ebrybody know wa people wahn een dey haat fa do. Wen de Lawd come, dat de time wen God gwine praise ebry poson coddin ta how dat poson oughta git praise.

2 Corinth 5:10

Cause we all gwine haffa stanop fo Christ jedgiment seat. E gwine jedge we, an ebrybody gwine git e payback fa e wok wen e been dey een dis life, weza e good or bad.