Rome 12:15 - De Nyew Testament

¹⁵ Wen people da rejaice, ya mus rejaice long wid um, an wen people saaful, ya mus be saaful long wid um too.

Rome 12:15 ပူးပေါင်းရင်းမြစ်များ

Luke 1:58

E neighba dem an e kin yeh say de Lawd done hab mussy pon Lizzybet. E gim chile. An all dem rejaice wid um.

John 11:19

An heapa Jew dem done been come fa tell Martha an Mary dat dey saary dey broda Lazarus dead.

De Postle Dem 11:23

Wen Barnabas git ta Antioch an see how God beena bless de people dey, e been heppy fa true. E courage um all fa keep on da bleebe pon de Lawd wid all dey haat an waak fa true wid um.

1 Corinth 12:26

Ef one paat da suffa, all de oda paat suffa wid um. Ef one paat git praise, all de oda paat rejaice wid um.

2 Corinth 11:29

Wen oona ain able fa stan scrong, A feel like A ain scrong. Wen oona git trap an fall eenta sin, A feel bad fa true.

2 Corinth 2:3

Dat hoccome A done write oona dat letta. A ain been wahn fa come an hab me haat sad. De same people wa oughta mek me rejaice done mek me sad. Cause A know fa sho dat wen A rejaice, oona gwine rejaice too.

Philippi 2:26

Epaphroditus wahn fa see all ob oona too bad. E opsot cause oona yeh say e been sick.

Philippi 2:28

So den, dat mek me wahn eben mo fa sen Epaphroditus ta oona so dat wen oona shim, oona gwine be heppy gin, an den A ain gwine warry sommuch bout um.

Hebrew 13:3

Memba fa hep de people wa dey een de jailhouse, jes as ef oona been dey een de jailhouse wid um too. An oona oughta memba dem wa da suffa, jes as ef oona beena suffa an feel de pain een oona own body.