Rome 12:14 - De Nyew Testament

¹⁴ Ya mus aks God fa bless de people wa da mek ya suffa. Ya mus dohn aks God fa cuss um. Mus aks God fa bless um.

Rome 12:14 ပူးပေါင်းရင်းမြစ်များ

Matthew 5:44

Bot A da tell oona say, Ya mus lob dem wa do ya wrong, an ya mus pray ta God fa dem people wa da mek ya suffa.

Luke 23:34

Jedus say, “Fada, paadon dem, cause dey ain ondastan wa dey da do.” An de sodja dem shrow dice fa wide op Jedus cloes mongst um.

Luke 6:28

Mus aks God fa bless dem wa cuss ya, an mus pray fa dem wa do ya bad.

De Postle Dem 7:60

Den e kneel down pon de groun an pray een a loud boice say, “Lawd, paadon dem people fa dis sin wa dey done!” Atta e pray dat, e done dead.

Rome 12:21

Ya mus dohn leh ebil win out oba ya. Ya mus win out oba ebil by de good ya do.

1 Thessalonica 5:15

Mek sho dat nobody ain pay back ebil wid ebil. Mus try all de time fa do good ta one noda an ta all people.

James 3:10

Wid dis same mout yah we praise God an we bad mout people. Me Christian bredren, e ain oughta be like dat.

1 Peter 3:9

Ef somebody do oona bad, mus dohn do bad back ta um. An ef somebody sult oona, mus dohn sult um back gin. Steada dat, aks God fa bless um. Cause God call oona fa gii oona a blessin.