Rome 1:9 - De Nyew Testament

⁹ A da saab God wid all me haat, fa tell de Good Nyews bout e Son. An God know dat wa A say, e true. E know dat A da memba oona all de time, wensoneba A da pray.

Rome 1:9 ပူးပေါင်းရင်းမြစ်များ

Mark 1:1

Dis yah de Good Nyews bout Jedus Christ, God Son.

Luke 18:1

Jedus tell e ciple dem one paable fa laan um dat dey mus pray all de time ta God an mus bleebe dat God gwine ansa um.

De Postle Dem 12:5

So Peter been dey een de jailhouse, bot de choch people beena pray haad ta God fa um.

De Postle Dem 19:21

Atta all dat happen, Paul cide fa go shru Macedonia an Achaia pon e way ta Jerusalem. Paul say, “Atta A gone dey, A haffa go an wisit Rome too.”

De Postle Dem 24:14

Bot A da tell ya dis: Wen A da lib coddin ta de Way, A da woshup de God dat we ole people beena woshup. An de Jew people say dis Way yah ain true. A bleebe all de ting dem wa dey een de Law dat God gii Moses, an all dat de prophet dem done write.

De Postle Dem 27:23

Las night de God dat A blongst ta an dat A da woshup, e sen e angel ta me. Dat angel come stan by me.

De Postle Dem 3:26

Wen God sen e saabant Jedus eenta dis wol, God sen um fus ta oona, de people ob Israel. E sen um fa bless oona, so dat all ob oona gwine ton fom oona wickity way.”

Rome 9:1

A da tell oona de trute, cause A blongst ta Christ. A ain da lie none tall. Me haat wa de Holy Sperit da rule, e da tell me say A ain da lie.

2 Corinth 1:23

God me witness! E know wa dey een me haat! A been mek op me mind A ain gwine come ta oona een Corinth, cause A ain wahn fa mek oona feel bad.

2 Corinth 11:31

God, de Fada ob we Lawd Jedus, e know dat A ain da tell no lie. Leh all people praise um faeba!

Galatia 1:20

All wa A da set down yah true fa sho. God know A ain da tell oona no lie!

Ephesus 6:18

Pray all de time an aks God fa hep ya. Aks God Sperit fa hep ya pray. Mus dohn neba gii op. Pray all de time fa all God people.

Philippi 1:3

Ebry time A da tink ob oona, A da say tankya ta God fa oona.

Philippi 1:4

E mek me haat glad wensoneba A da bend me knee fa oona.

Philippi 2:22

Bot oona know Timothy been show e da do good wok. E da wok wid me jes like e me son an A e fada, fa hep mo an mo people bleebe de Good Nyews.

Philippi 3:3

Bot we de people wa been circumcise fa true. Cause God Sperit da hep we woshup God, an we da rejaice een we life een Jedus Christ. An we ain pit no hope een nottin dat people do ta dey body fa try fa show dat dey God people.

1 Thessalonica 1:2

All de time wen we da pray ta God, we pray fa oona an tell um tankya fa all ob oona.

1 Thessalonica 3:10

Day an night, we da aks um wid all we haat fa leh we come see oona face ta face, an leh we hep mek oona trus een Christ mo scronga, da laan oona wasoneba oona ain know yet.

1 Thessalonica 5:17

Neba stop da pray.

1 Timothy 2:7

An dat hoccome God pick me an sen me fa be e preacha an postle, fa laan dem wa ain Jew how fa bleebe pon Christ, an fa tell um de true way. A da tell ya de trute. A ain da tell no lie.

2 Timothy 1:3

A da tell God tankya, an A da saab um wid a clean haat, jes like me ole people done do. Wen A da pray fa ya jurin de night time an de day, A kin tell um tankya.

Philemon 1:4

All de time wen A da pray fa ya, A da tell me God tankya fa ya.