Rome 1:15 - De Nyew Testament

¹⁵ Cause ob dat, A wahn fa tell de Good Nyews ta oona wa da lib een Rome too.

Rome 1:15 ပူးပေါင်းရင်းမြစ်များ

Matthew 9:38

Mus pray ta de Lawd ob de crop fa sen out mo han fa geda de crop.”

Mark 14:8

De ooman done done all wa e able fa do fa me. E done naint me wid sweet ointment fa mek me body ready head ob time fa wen dey bury me.

John 4:34

Jedus tell um say, “Wen A do wa de one wa sen me yah wahn me fa do, an finish op all de wok e gii me fa do, den dat me food.

De Postle Dem 21:13

Bot Paul ansa say, “Wa oona da do, da cry like dis an da mek me haat saaful? A ready fa leh um chunk me eenta de jailhouse een Jerusalem. A eben ready fa leh um kill me fa sake ob de Lawd Jedus.”

Rome 10:15

An how people gwine tell um ef nobody ain sen um? Like dey write een God Book say, “How purty de foot dem ob de people wa da bring de Good Nyews.”

Rome 12:18

Ya mus do all ya able fa do so dat ya kin lib peaceable wid ebrybody.

Rome 15:20

A jes wahn fa tell de Good Nyews weh de people ain neba been yeh bout Christ yet. Dat way, A ain gwine do wa noda poson done been staat fa do, like a man wa da build a house pon a foundation wa noda man done pit down.

1 Corinth 9:17

Ef A da do me wok cause A wahn fa do um, den A got me payback. Bot ef A do me wok cause A haffa do um, A jes do um cause God gii me dis wok fa do.

2 Corinth 8:12

Ef somebody wahn fa gii, God gwine be sattify coddin ta wa dat poson got, an not coddin ta wa e ain got.