Revelation 5:6 - De Nyew Testament

⁶ Den A see one Lamb da stanop een de middle ob dat great shrone. De fo ting dem wa got life an de elda dem da stanop roun um. Dat Lamb look like people done been kill um. An e got seben hone pon e head an seben eye. Dem eye God seben Sperit wa e sen out all oba de wol.

Revelation 5:6 ပူးပေါင်းရင်းမြစ်များ

Luke 1:69

E done sen we scrong poson wa gwine sabe we. An dis Poson blongst ta de fambly ob David, de ole people leada wa saab God.

John 1:29

De nex day John see Jedus da come ta um. An e say “Look yonda, de Lamb ob God da come fa tek way de sin ob people all oba de wol!

John 1:36

Wen John see Jedus waak by, e say, “Look yah! Dat de Lamb ob God!”

De Postle Dem 8:32

De Ethiopia man beena read fom God wod weh de prophet done write dis yah: “E been a sheep dat dey lead fa go kill um, e been like a lamb dat ain cry out wen dey da cut e wool. E ain crack e teet.

Revelation 1:4

A, John da write ta oona wa dey een dem seben choch een de arie ob Asia. A pray dat God, wa dey now, an wa been dey fo dis wol been mek, an wa gwine come back ta dis wol, bless oona an gii oona peace. Same way so, A pray dat God seben sperit dem, wa stanop fo e shrone weh e seddown da rule, bless oona an gii oona peace.

Revelation 12:11

We Christian broda dem win out oba um. Dey win wid de blood ob de Lamb an de true wod wa dey beena tell people bout God. An pontop dat, dey been ready fa dead fa God ef dey haffa.

Revelation 13:8

All de people een de wol gwine woshup dat beast, cep fa dem wa got dey name write down een de book wa blongst ta de Lamb, wa people been kill. Fo God mek de wol, e done write down dem name ob dem people wa gwine lib fa eba an eba. E write um down een de book ob de Lamb.

Revelation 14:1

Den A see de Lamb da stanop pontop de high hill dey call Mount Zion. One hundud an foty-fo tousan people beena stanop dey wid um. An de name ob de Lamb an ob e Fada been write pon dem people forehead.

Revelation 17:14

Dey gwine fight ginst de Lamb, bot de Lamb gwine win out oba um. Cause e da Lawd wa oba all lawd, an e de King wa da rule oba all king. An wid de Lamb gwine be dem wa folla um, dem wa e call an pick fa do e wok, dem wa ain neba stop fa bleebe pon um.”

Revelation 21:22

A ain been see no House ob God fa woshup een dey een de city. Cause de Lawd God, wa got powa mo den all, an de Lamb, dey been dey all oba de city an all de people beena woshup um all oba dey.

Revelation 21:23

De city ain need no sun fa shine dey. An e ain need no moon. Cause de glory light wa come out fom God an fom de Lamb da light de city.

Revelation 22:1

Den de angel show me de riba weh de wata wa da gii life beena ron. E beena shine bright an cleah jes like glass. An e da leh outta de shrone ob God an ob de Lamb.

Revelation 22:3

An nottin or nobody wa God say ain right gwine be dey een dat city. De shrone ob God an ob de Lamb gwine be dey, an e saabant dem gwine woshup um dey.

Revelation 4:8

All fo ob dem ting wa got life, dey got six wing, an dey been kiba all oba wid eye, eben onda dey wing. All day an all night dey da taak ta God. Dey ain neba stop fa tell God say, “We Lawd God got powa mo den all. E holy, holy, holy. E been dey fo de wol been mek, e dey now, an e gwine come back.”

Revelation 5:11

Den, wiles A beena look, A yeh de boice ob a whole heapa angel. Dey been tousan an tousan, ten tousan time ten tousan ob um. Dey da geda roun de big shrone an de fo ting wa got life dem an de twenty-fo elda dem.

Revelation 5:12

De angel dem sing loud, say, “De Lamb wa dey done kill, e got de right fa mek we praise um, E got powa an plenty ting. E got sense fa true an plenty scrent. We gim hona an glory. We praise um!”

Revelation 5:13

Den A yeh all de ting dem wa got life een heaben, een dis wol an onda de wol, an all ting wa een de sea. Dey all sing, say, “Ta de one wa da seddown pon de shrone, an ta de Lamb, Leh we praise um an gim hona an glory, an show dey powa faeba an eba!”

Revelation 5:14

De fo ting dem wa got life say, “Amen!” An de twenty-fo elda dem git down pon de groun an woshup de one wa sit pon de great shrone an de Lamb.

Revelation 6:16

De people call out loud ta dem mountain an dem big stone say, “Please faddown pon we an hide we fom de eye ob de one wa da seddown pon de shrone, an fom de Lamb wa bex wid we!