Revelation 3:17 - De Nyew Testament

¹⁷ Oona da taak say, ‘A rich, an A got plenty ting. A got ebryting wa A need.’ Bot oona ain ondastan dat oona po an pitiful fa true, an people saary fa oona. Oona ain got nottin! Oona bline an nekid.

Revelation 3:17 ပူးပေါင်းရင်းမြစ်များ

Matthew 5:3

“Dey bless fa true, dem people wa ain hab no hope een deysef, cause God da rule oba um.

Matthew 9:12

Jedus yeh wa dey say, so e tell um say, “Dem wa well ain need no docta. Jes dem wa sick need um.

Luke 1:53

E done gii plenty good ting ta dem wa hongry. Bot e done sen way de rich. E ain gim nottin.

Luke 6:24

“Bot e gwine be a haad time fa oona wa got plenty now, cause oona done hab ebryting easy een dis life yah.

Rome 11:20

Dat true! Bot dey been broke off cause dey ain bleebe. An oona da stan dey jes cause oona bleebe. Bot ya mus dohn git de big head bout dat. Oona mus tek cyah an keep on da bleebe God mo scronga.

Rome 11:25

Me Christian bredren, A wahn oona fa ondastan dis secret wa God ain been leh people know. A tell oona dis so dat ya ain gwine tink ya got sense tommuch. Dis de secret: Israel people ain faeba gwine hab haad head. Dey gwine keep on dat way jes til dem wa God done pick wa ain Jew come ta God.

Rome 12:3

Cause ob God blessin pon me, A da tell ebry one ob oona say, mus dohn git de big head an tink ya sompin wen ya ain. Steada dat, ya mus hab sense wen ya tink bout yasef. Ebry one ob oona mus jedge yasef coddin ta hommuch God mek ya able fa trus um.

Rome 7:24

A saary fa true! Who dat gwine set me free fom wa dis body wahn me fa do, dis body wa da mek me dead?

2 Peter 1:9

Bot ef somebody ain got dem ting een e life, e same like a bline eye man wa ain see haadly nottin. An e done fagit dat God done tek way de sin dem dat e beena do an fagib um.

Revelation 16:15

De Lawd say, “Listen ta me! A gwine come all ob a sudden, jes like wen de tief da come! E bless fa true wa ain sleep an wa keep e cloes wid um, ready fa weah, so dat e ain gwine haffa waak roun nekid an be too shame een front ob people.”

Revelation 2:9

‘A know oona da suffa plenty trouble. A know oona ain got much, bot fa true oona rich een Christ! A know too bout dem wa say dey Jew people, bot dey ain no Jew tall. Dey da lie, taak bad ginst oona. Bot dey blongst ta dem wa da folla Satan.

Revelation 3:16

So den, cause oona like food wa ain cole an wa ain hot, A gwine spit oona outta me mout!