Revelation 18:8 - De Nyew Testament

⁸ Cause ob dat, all dem bad ting wa gwine mek um suffa plenty, dey gwine faddown pon um all de same day. Een dat time e gwine git sick down. E haat gwine be hebby tommuch, da weep an da wail. E gwine git hongry fa true, cause e ain got nottin fa nyam. An fire gwine bun um all op. Cause de Lawd God got powa fa true an e da jedge um.”

Revelation 18:8 ပူးပေါင်းရင်းမြစ်များ

1 Corinth 10:22

Fa true, we ain wahn fa mek God bex wid we, ainty? Fa sho, we ain tink we mo scronga den God!

Revelation 11:17

Dey say: “Lawd God wa got powa mo den all, wa been dey faeba, an wa still dey now! We tell ya tankya, cause ya done nyuse ya powa wa mo den all, an staat fa rule oba de wol!

Revelation 17:16

De beast an de ten hone dem wa ya been see, dey ain gwine be like de ooman wa lib loose life. Dey gwine tek way all wa e got an lef um nekid. Dey gwine nyam op de flesh ob e body an bun um op wid fire.

Revelation 17:18

“De ooman dat ya see, e dat city wa got powa oba dem wa da rule een de wol.”

Revelation 18:17

Bot now een jes one hour all e fine fine ting, dey all gone!” All dem captain an all dem wa trabel een dem big boat, wid all dem seaman, an all dem wa go ta sea fa trade, dey all gwine stan faaway fom dat city.

Revelation 18:19

Den dey gwine shrow dort pontop dey head cause dey haat hebby. Dey da weep an wail an cry out say, “Woe! E a haad time fa true fa dat city dey wa done been git big powa. E de city weh all dem wa been git boat an go ta sea fa trade, dey got heapa fine ting cause ob um. Bot now een jes one hour, ebryting done gone!”

Revelation 19:3

Den A yeh dem een heaben shout gin say, “Hallelujah! Leh we praise God! De smoke wa da come outta de fire wa da bun Babylon gwine go op faeba an eba.”