Revelation 12:2 - De Nyew Testament

² E been speckin chile, an e been lef jes leeleetle bit fo de chile fa bon. So de ooman pain been mek e da holla.

Revelation 12:2 ပူးပေါင်းရင်းမြစ်များ

Matthew 24:8

All dem ting dey, dey same like de fus pain wa come fa de modda wen e da bon e chile.

John 16:21

Wen a ooman time come fa bon e chile, e burden down, cause e time done come fa suffa. Bot wen e done hab e chile, e fagit de pain wa e been suffa, cause e da rejaice dat a chile been bon eenta de wol.

Galatia 4:19

Me deah chullun, A da feel pain fa oona sake. An dis pain dat A feel, e jes like de pain dat a ooman feel wen e chile wahn fa bon. A gwine feel dis pain yah til oona come fa lib like people wa hab Christ een um fa true.

Galatia 4:27

Cause dey write een God Book say, “Rejaice, oona wa ain able fa hab no chullun! Oona wa ain neba feel de pain fa bon chullun, shout loud cause ya glad! Cause de ooman dat e man done lef, e gwine hab mo chullun den de ooman wa dey wid e man.”

Revelation 12:4

Dat dragon tek e tail an draw one outta ebry shree staa outta de sky. An e chunk um down pon de wol. Dat dragon go stanop fo de ooman. De ooman chile been fa bon, an de dragon stanop so dat e kin nyam op de chile, jes wen e bon.