Philippi 3:16 - De Nyew Testament

¹⁶ An dis one ting A say, leh we keep on pon de same road dat done bring we yah.

Philippi 3:16 ပူးပေါင်းရင်းမြစ်များ

Rome 12:16

Lib peaceable wid one noda. Mus dohn be oppity, bot sociate wid people dat oda people look down pon. Ya mus dohn tink ya got sense mo den oda people.

Rome 15:5

An A da pray dat God, wa da courage people an mek um able fa beah wa come, e gwine mek oona able fa gree togeda an lib peaceable cause oona da waak togeda een de way ob Jedus Christ,

Galatia 5:7

Oona beena do too well! Whodat mek oona stop do dem ting dat God tell oona fa do? Wa somebody do fa change oona haat?

Galatia 6:16

A da pray dat God gii peace an mussy ta all dem people wa lib dis way dat A done tell um, all dem wa God people.

Philippi 1:27

So den, wa matta de mores, e dat oona lib de way dat de Good Nyews bout Christ say oona oughta lib. Den ef A come an see oona, or ef A jes yeh bout oona, A gwine know dat oona gwine stanop scrong fa Jedus. A gwine know dat oona all gree togeda fa fight fa de fait dat we wa bleebe de Good Nyews hab.

Philippi 2:2

So den, A da beg oona now fa mek me haat heppy fa see oona jine togeda fa be one een de way oona tink, lob one noda een de same way, an all gree togeda wid one haat an one mind fa do de wok.

Philippi 4:2

Euodia an Syntyche, A da beg oona, try fa gree togeda all de time like sista een de Lawd.

Colosse 2:6

So den, jes like ya done mek Jedus Christ ya Lawd, mus lib all de time een um an waak e way wid um.

Colosse 4:2

Oona mus keep on da pray all de time. Pit oona haat pon dem ting wa oona da tell God, an tell um tankya.

Revelation 3:3

So den, oona memba dem ting wa dey done laan oona, wa oona been bleebe. Oona mus do wa dey laan oona an mus ton fom oona sin. Ef oona ain wake op, A gwine come all ob a sudden ta oona jes like tief come. An oona ain gwine know de time wen A gwine come.