Matthew 25:4 - De Nyew Testament

⁴ Bot dem wa got sense, dey tote extry oll long wid um fa dey lamp.

Matthew 25:4 ပူးပေါင်းရင်းမြစ်များ

Matthew 10:16

“Listen! A da sen oona fa go, an oona jes like sheep wa da gwine mongst wolf. Oona mus be wise, same like a saapent. Oona mus dohn do no bad ta nobody, same like a dob.

Matthew 25:2

Fibe ob dem nyoung gyal ain got no sense, bot de oda fibe dem got sense.

Matthew 25:3

Wen de fibe wa ain got no sense tek dey lamp an gone, dey ain tote no extry oll long wid um fa dey lamp.

Matthew 25:5

De groom been late, so de nyoung gyal dem all git tired an fall fa sleep.

Matthew 7:24

“So den, ebrybody wa da yeh me wod an do wa A tell um, dey stan same like a poson wa got sense. Wen e build e house, e lay de foundation pon de rock.

John 3:34

De one wa God sen, e da tell people de message wa God gim, cause God da gim e Sperit, til e full op wid um.

Rome 8:9

Bot oona ain da do wa ya sinful haat tell ya fa do. Ya da do wa God Sperit tell ya, ef God Sperit da lib dey eenside ya. An ef Christ Sperit ain da lib eenside a poson, dat one dey ain blongst ta Christ.

2 Corinth 1:22

E done pit e maak pon we fa show dat we e own people. An e pit e Sperit eenside we haat fa mek we know dat fa true we gwine git all wa e gwine gii we.

1 John 2:20

Bot God done pour out e Sperit pon oona, so oona all know de trute.

1 John 2:27

Bot God done pour out e Sperit pon oona, an now dat e dey eenside oona haat, oona ain haffa hab nobody fa laan oona. Cause Christ Sperit da laan oona all ting, an all wa e da laan oona, dat true. E ain no lie. So den, oona mus be one wid Christ, da lib een um, jes like e Sperit laan oona fa do.

Jude 1:19

Dey da wide people op een group ginst one noda. Dey da do bad ting wa dey head tell um, dout study pon dem ting. An de Holy Sperit ain een um.