Matthew 25:17 - De Nyew Testament

¹⁷ Same way so, de wokman wa got two gole coin, e mek two mo gole coin.

Matthew 25:17 ပူးပေါင်းရင်းမြစ်များ

Matthew 25:16

Tareckly de wokman wa got de fibe coin gone fa trade wid e gole coin an e mek fibe mo gole coin.

Matthew 25:18

Bot de wokman wa got one gole coin, e gone an dig a hole een de groun an hide de gole coin wa e bossman gim.

De Postle Dem 10:2

Cornelius an all e fambly beena woshup an feah God. E been gii heapa good ting fa hep dem wa ain hab nottin, an e beena pray ta God all de time.

2 Corinth 8:12

Ef somebody wahn fa gii, God gwine be sattify coddin ta wa dat poson got, an not coddin ta wa e ain got.

Ephesus 5:16

Ebry chance oona git fa do good, oona mus do all dat oona able fa do. Cause dis time yah a ebil time.

Colosse 4:17

Tell Archippus say, “Ya mus mek sho dat ya do all de wok wa de Lawd gii oona fa do.”

1 Timothy 5:10

Pontop dat, people haffa know dat wida ooman fa de good ting e da do. E oughta be a ooman wa raise e chullun right, an wa gii people haaty welcome ta e house. E oughta be a ooman wa wash de foot ob God people an hep people wa da suffa. E oughta be a ooman wa all de time beena do all kinda good wok.

1 Peter 4:10

God gii gif ta ebry one ob oona, da mek ya know how fa do special ting. So den, ebry one mongst oona oughta do um good. Mus tek cyah fa pass God blessin dem on ta oda people, so dat dey gwine git de good fom wa God mek ya know how fa do.