Matthew 23:37 - De Nyew Testament

³⁷ “O Jerusalem, Jerusalem! Oona kill de prophet dem wa taak fa God, an chunk rock til oona kill dem wa God sen ta oona! Hommuch time A been wahn fa geda oona people togeda roun me, jes like a hen geda e biddy dem ondaneet e wing! Bot oona people ain wahn me fa do dat!

Matthew 23:37 ပူးပေါင်းရင်းမြစ်များ

Matthew 22:3

E sen e saabant dem fa go call de people wa e done eenbite fa come ta de marry feas, bot dey ain wahn fa come.

Matthew 22:6

De oda res grab hole ta de saabant dem wa de king sen. Dey beat um op an kill um.

Matthew 23:30

Oona da say, ef oona been dey een dat time wen we ole people been dey, oona ain been fa do wa dey done wen dey kill de prophet dem.

Matthew 23:31

So oona da gree, say dat oona de chullun chullun ob dem wa been kill de prophet dem.

Matthew 5:12

Mus be glad fa true, cause ya gwine git a whole heapa good ting dat God da keep fa ya een heaben. Ya mus memba dat de people wa mek ya suffa dem ting yah, dey ole people done de same ting ta de prophet dem wa lib way back dey.

Luke 15:28

De big broda been so mad til e ain wahn eben fa go eenside de house. So e fada gone out an beg um fa come een.

1 Thessalonica 2:15

Dem people, de Jew people yah, dey done kill de Lawd Jedus an de prophet dem too. An dey beena mek we suffa, da mek we go way fom dey. Dey mek God bex wid um tommuch! Dey de enemy ta all people.

Revelation 17:6

A see dat de ooman been dronk wid de blood ob God people, de blood ob dem people wa been kill cause dey tell people say Jedus dey Lawd. Wen A shim, A stonish fa true.