Mark 6:20 - De Nyew Testament

²⁰ King Herod beena scaid ob John cause e know John waak scraight an e been God own man. So Herod done all e able fa do fa keep John safe. Wensoneba e yeh John tell bout God, Herod warry, warry, bot spite a dat, e glad fa yeh um.

Mark 6:20 ပူးပေါင်းရင်းမြစ်များ

Matthew 14:5

King Herod been wahn fa kill John, bot e been scaid ob de people, cause dey been tek John fa a prophet.

Matthew 21:26

Bot ef we say people gii John dat tority, we haffa be scaid ob de people, cause dey all bleebe dat John been a prophet.”

Mark 11:18

Wen de Jew priest leada dem an de Jew Law teacha dem yeh wa Jedus beena say, dey staat fa look fa way fa kill um. Dey been scaid ob um, cause all de crowd ob people been stonish wen dey yeh wa Jedus teach.

Mark 4:16

Now de seed wa faddown pon groun weh dey been heapa stone, dat same like de people wa yeh de wod an same time bleebe um, an dey glad.

John 5:35

John been same like a lamp wa beena bun an de light shine bright fa mek all people see. Oona done gree fa leh de light shine pon oona fa a leetle wile an mek oona haat glad.

De Postle Dem 2:12

De people all been stonish an all mix op, so dey beena aks one noda say, “Wa dis mean?”

De Postle Dem 5:24

Wen de offisa ob de man dem wa beena gyaad God House an de leada dem ob de priest dem yeh dat, dey been all bumfumble, an dey aks one noda say, “Wa gwine come fom all dis?”