Mark 16:13 - De Nyew Testament

¹³ De two man gone back ta Jerusalem an tell de oda res wa done happen. Bot dey ain bleebe dem man needa.

Mark 16:13 ပူးပေါင်းရင်းမြစ်များ

Matthew 28:17

Wen dey see Jedus, dey kneel down fa woshup um. Stillyet some ob dem beena doubt ef dat been Jedus fa true.

Mark 16:11

Stillyet wen dey yeh dat Jedus da lib gin an dat Mary esef done shim, dey ain bleebe wa e say.

Mark 16:14

Atta dat, Jedus come ta de leben ciple wen dey beena nyam. E buke um cause dey ain been bleebe dat e da lib, an cause dey been too haad head fa bleebe dem people wa done been shim atta e done git op fom mongst de dead people an lib gin.

Luke 16:31

“Bot Abraham tell um say, ‘Ef ya broda dem ain listen ta wa Moses an de prophet dem done say een de Book, dey ain gwine pay mind ta somebody wa done dead, wa gone back een de wol fa waan um. Dey ain gwine change dey way.’ ”

Luke 24:11

Bot de postle dem ain bleebe dem ooman, cause wa dey say ain mek no sense ta um.

Luke 24:41

Dey beena wonda an dey still ain know wa fa tink, cause wa dey see mek um so full op wid joy. Jedus aks um say, “Oona hab sompin fa nyam yah?”

John 20:25

So de oda ciple dem tell Thomas dey been see de Lawd. Thomas tell um say, “A ain gwine bleebe cep A see de nail print een e two han, an A pit me finga een de place weh de nail cut um dey, an cep A pit me han een de cut een e side.”

John 20:8

Den de oda ciple, wa fus git ta de tomb, gone eenside too. Wen e see all dat, e bleebe.