Mark 14:72 - De Nyew Testament

⁷² Same time e say dat, a cock crow noda time. Peter memba wa Jedus done been tell um. Jedus done been say, “Fo de cock crow two time, ya gwine say shree time dat ya ain know me.” Peter buss out da cry.

Mark 14:72 ပူးပေါင်းရင်းမြစ်များ

Matthew 26:34

Jedus tell um say, “A da tell oona fa true, dis night, fo de roosta crow, ya gwine say shree time dat ya ain know me.”

Mark 14:30

Jedus tell Peter say, “A da tell ya fa true, dis same night, fo de cock crow two time, ya gwine say shree time dat ya ain know me.”

Mark 14:68

Bot Peter say e ain know Jedus. E ansa de gyal say, “A ain know wa ya da taak bout.” An Peter gone out close ta de gate. Same time a cock crow.

Mark 14:71

Peter say, “A da tell oona fa true! Leh God mek me suffa ef A ain taak scraight. A ain know dat man oona da taak bout!”

Luke 22:60

Peter ansa um say, “Man, A ain know wa ya da taak bout!” Dat same time wen e beena say dat, a roosta crow.

Luke 22:62

Peter gone outta de yaad an e cry bitta teah.

2 Corinth 7:10

Wen God mek somebody saary, dat gwine mek e haat change an e gwine ton fom e sin. An cause ob dat, e gwine be sabe. So dat ain nottin fa regret. Bot ef somebody feel saary jes cause ob sompin wa dey een dis wol, dat kind ob saary dey gwine mek um dead an loss faeba.