Mark 12:36 - De Nyew Testament

³⁶ Cause de Holy Sperit done mek David esef say, ‘De Lawd tell me Lawd say, Seddown yah ta me right han side til A pit ya enemy dem ondaneet ya foot.’

Mark 12:36 ပူးပေါင်းရင်းမြစ်များ

Matthew 5:35

Mus dohn say, ‘A sweah ta de wol,’ cause God da res e foot pon de wol. Mus dohn say needa, ‘A sweah ta Jerusalem,’ cause Jerusalem de city ob God de great King.

De Postle Dem 1:16

E say, “Bredren, de Holy Sperit taak ta David way back dey, an hab um write een God Book bout Judas, wa been come fa bring de people fa res Jedus. An all dem ting wa David been tell, dey been haffa come true.

De Postle Dem 28:25

So dey ain gree mongst deysef, an dey lef Paul place an gone pon dey way. Dat been atta Paul been say, “De Holy Sperit say de trute wen e tell de prophet Isaiah fa tell oona ole people say,

1 Corinth 15:25

Christ haffa rule til God done win out oba all e enemy an pit um down onda e foot.

2 Timothy 3:16

God cause people fa write down all dat dey done write down een e book. An all dem ting dey een e Book, dey good fa mek we laan wa true, an fa mek we know dem ting dat we da do wa ain right. Dey good fa mek we wa ain da do right ton an staat fa do wa right, an fa tell we how fa lib de way God wahn we fa lib,

Hebrew 1:13

God ain neba tell none ob e angel dem say, “Seddown yah ta me right han side, til A pit ya enemy dem ondaneet ya foot.”

Hebrew 4:7

Cause God done fix noda time, a day wa e call “Taday.” Atta plenty yeah done pass, God hab David say dem wod yah, wa A jes tell oona say, “Ef oona yeh God boice taday, mus dohn hab haad haat.”

1 Peter 1:11

Christ Sperit been dey eenside dem prophet. Dat Sperit een um beena taak bout how Christ gwine haffa suffa, an bout de glory wa gwine come atta dat. An dem prophet beena try fa know wa time dem ting gwine come an how dey gwine happen.

2 Peter 1:21

Cause ain neba been no true wod ob no prophet wa jes come fom wasoneba some poson tink or wahn fa taak. E been de Holy Sperit wa beena trol dem prophet, da tell um de wod dem wa God wahn um fa say.