Luke 6:21 - De Nyew Testament

²¹ Oona bless fa true, oona wa hongry now, cause God gwine gii oona all oona wahn fa nyam. Oona bless fa true, oona wa da cry now, cause oona gwine laugh later on.

Luke 6:21 ပူးပေါင်းရင်းမြစ်များ

Matthew 5:4

Dey bless fa true, dem wa saaful now, cause God gwine courage um.

Matthew 5:6

Dey bless fa true, dem wa hongry an tosty fa wa right, cause dey gwine git sattify.

Luke 1:53

E done gii plenty good ting ta dem wa hongry. Bot e done sen way de rich. E ain gim nottin.

Luke 6:20

Jedus look at e ciple dem an tell um say, “Oona bless fa true, oona po people, cause God da rule oba oona.

Luke 6:22

Oona bless fa true, wen people hate oona, wen dey ain wahn hab nottin fa do wid oona an hole oona cheap, wen dey say oona ebil. Oona bless fa true, wen dey do all dat cause oona da folla de Man wa Come fom God.

Luke 6:25

E gwine be a haad time fa oona wa da nyam all wa oona wahn now, cause de time gwine come wen oona gwine be hongry. E gwine be a haad time fa oona wa da laugh now, cause oona gwine be too saary an cry.

John 11:35

Jedus weep.

John 4:10

Jedus say, “Ef ya been know wa God kin gii, an who dis yah wa da aks fa wata, ya been gwine aks um an e been gwine gii ya dat wata wa da mek people lib fa true.”

John 6:35

Jedus tell um say, “A de bread wa da gii life. Ebrybody wa come ta me ain neba gwine git hongry, an ebrybody wa bleebe pon me ain neba gwine git tosty.

1 Corinth 4:11

Right op ta now, we ain got nuff fa nyam an drink. We ain hab nottin bot rag fa weah. People keep on da beat we an mek we suffa bad. An we jes keep on gwine fom place ta place.

2 Corinth 11:27

Fa sho, A been wok haad, an plenty night A ain got no sleep. Sometime A been hongry an tosty. An plenty time A ain nyam nottin, an A been cole, an ain got no cloes fa weah.

2 Corinth 12:10

So den, fa sake ob Christ, A heppy fa suffa. A heppy wen A weak an wen people shrow slam at me. A heppy wen haad time come pon me, an wen people fight ginst me, an A got all kind ob trouble cause ob Christ. Cause de time wen A ain able fa hep mesef, dat de time wen A mo scronga fa true.

2 Corinth 6:10

We kin hab hebby haat, bot we da rejaice all de time. We ain got plenty ting, stillyet we da mek a whole heapa people rich een fait. E seem like we ain got nottin, bot we got all ting fa true.

James 1:12

De poson wa ain stop fa trus God wen trial come ta um an wa able fa beah um, e bless fa true. Cause wen e still stanop scronga fa God atta dat trial, God gwine gim de true life wa ain gwine neba end. Dat de life wa God promise dem wa lob um.

Revelation 21:3

A yeh a loud boice wa come fom de shrone say, “Look yah! Fom now on, God da mek e home wid e people! E gwine lib wid um an dey gwine be e people. God esef gwine be dey wid um all de time, an e gwine be dey God.

Revelation 7:16

Dey ain neba gwine git hongry no mo, an dey ain neba gwine git tosty gin. De sun ain neba gwine bun um. Ain no heat gwine do um haam.