Luke 23:43 - De Nyew Testament

⁴³ Jedus ansa um say, “A da tell ya fa true, taday ya gwine be wid me een heaben.”

Luke 23:43 ပူးပေါင်းရင်းမြစ်များ

Luke 19:10

Cause de Man wa Come fom God, e come fa saach fa people wa loss, an sabe um.”

Luke 23:42

Den e beg Jedus say, “Jedus, please do, memba me wen ya come fa be King!”

John 14:3

An atta A done mek de place ready fa oona, A gwine come back fa tek oona wid me an go ta dat place so dat oona too gwine be weh A da.

John 17:24

“Fada, ya done gii dem ta me, an A wahn fa hab dem wid me dey weh A da gwine, so dat dey kin see de glory ya gii me. Ya done gii me dat glory, cause ya done been lob me fo de wol been mek.

2 Corinth 5:8

A da tell oona, we ain neba gii op. An fa sho, we wahn fa go way fom dis body an go lib wid de Lawd.

Philippi 1:23

Dey time A wahn fa lib, an dey time A wahn fa dead. Bot A wahn fa true fa stop da lib yah een dis ole wol an go fa lib wid Christ. Dat gwine be faa way mo betta fa me.

Hebrew 7:25

So den, Jedus got powa all de time fa sabe de people wa come ta God shru um, cause e da lib faeba, fa go fa taak ta God fa sake ob dem people.

Revelation 2:7

“Oona got yea fa yeh, ainty? Den oona oughta yeh wa God Sperit da tell de choch dem. Dem wa still stan scrong atta Satan done try um, A gwine leh dem nyam fom de tree wa da gii life een God gyaaden.”