Luke 21:17 - De Nyew Testament

¹⁷ All de people gwine hate oona cause oona bleebe een me.

Luke 21:17 ပူးပေါင်းရင်းမြစ်များ

Matthew 10:22

All de people gwine be ginst oona cause oona bleebe pon me. Bot God gwine sabe all ob oona wa stanop fa me til de wol done end.

Matthew 24:9

“Den de people wa hab tority gwine grab hole ta oona an do oona plenty bad ting. An den dey gwine kill oona. People een all de country dem ob de wol gwine hate oona cause ob me.

Matthew 5:11

“Ya bless fa true wen people hole ya cheap an mek ya suffa an wen dey say all kind ob bad ting bout ya wa ain true, cause ya da folla me.

Mark 13:13

All de people gwine be ginst oona cause oona bleebe pon me. Bot God gwine sabe ebrybody wa stanop fa me til de wol done end.”

Luke 21:16

Bot eben ya modda an fada, ya broda dem, ya fambly, an ya fren dem gwine han ya oba ta de tority fa tek ya fo de jedge. An dem tority gwine kill some ob oona.

Luke 21:18

Stillyet, ain eben one hair een oona head gwine be loss.

Luke 6:22

Oona bless fa true, wen people hate oona, wen dey ain wahn hab nottin fa do wid oona an hole oona cheap, wen dey say oona ebil. Oona bless fa true, wen dey do all dat cause oona da folla de Man wa Come fom God.

John 15:19

Ef oona blongst ta de wol, den de people ob de wol gwine lob oona, same like dey lob dey own. Bot oona ain blongst ta de wol. A done pick oona fa come out fom mongst um. Cause ob dat, dey hate oona.

John 15:21

Bot dey gwine do all dem ting ta oona cause oona done tek me name, cause dey ain know de One wa sen me.

John 17:14

A done gim ya wod. An de oda people een de wol been hate um, cause dey ain blongst ta de wol, same like A ain blongst ta de wol.

John 7:7

De people ob de wol, dey boun fa like oona. Bot dey hate me cause A da tell um dat dey da do bad.

De Postle Dem 9:16

A gwine show Saul de plenty ting e haffa suffa so dat oda people kin know me.”

2 Corinth 12:10

So den, fa sake ob Christ, A heppy fa suffa. A heppy wen A weak an wen people shrow slam at me. A heppy wen haad time come pon me, an wen people fight ginst me, an A got all kind ob trouble cause ob Christ. Cause de time wen A ain able fa hep mesef, dat de time wen A mo scronga fa true.

2 Corinth 4:11

Cause wiles we da lib een dis life, all de time we da stan een de patway ob det fa sake ob Jedus, so dat people kin see e life een we body.

2 Corinth 4:5

Cause fa true, we ain da tell oona bout wesef. We da tell oona bout Jedus Christ we Lawd. An we say dat we oona saabant fa sake ob Jedus.

Philippi 1:29

Cause God gii oona dis chance fa saab Christ wen oona da trus een um, an wen oona da suffa fa e sake too.

1 Peter 4:14

Wen people hole ya cheap cause ya blongst ta Christ, ya git blessin, cause dat show dat de Sperit ob glory an ob God da lib dey eenside ya.

Revelation 2:3

Oona da suffa trouble an da beah plenty fa sake ob me name cause oona da folla me. An oona ain got weary. Oona ain stop da folla me.