Luke 21:15 - De Nyew Testament

¹⁵ Cause A gwine gii ya nuff wise wod an sense fa ansa dem. Eben oona enemy dem gwine haffa gree wid wa ya tell um.

Luke 21:15 ပူးပေါင်းရင်းမြစ်များ

Luke 12:12

Cause dat same time, de Holy Sperit gwine tell oona wa ting oona spose fa say.”

Luke 21:16

Bot eben ya modda an fada, ya broda dem, ya fambly, an ya fren dem gwine han ya oba ta de tority fa tek ya fo de jedge. An dem tority gwine kill some ob oona.

Luke 24:45

Jedus mek um able fa ondastan wa been write dey een God Book.

De Postle Dem 2:4

De Holy Sperit come pon all dem people dey an full um op. E mek um all staat fa taak diffunt language dem dat dey ain neba laan. Ebry poson beena say wa de Holy Sperit wahn um fa say.

De Postle Dem 24:25

Paul gone on fa splain bout wa dey mean wen dey say somebody da waak scraight, how e able fa trol esef, an bout de day wen God gwine jedge all people. Wen Felix yeh dat, e been scaid, an e tell Paul say, “Ya kin go, now. Some oda time wen A git de chance, A gwine sen fa ya.”

De Postle Dem 26:28

King Agrippa tell Paul say, “Ya tink dat een susha leetle wile, ya gwine mek me come fa be a Christian?”

De Postle Dem 6:10

Bot God Sperit gii Stephen heapa sense so dat wen e taak, nobody neba hab nottin mo fa say.

Ephesus 6:19

An oona mus pray fa me too, dat God gwine show me wa A oughta say wensoneba A staat fa taak, so dat A ain gwine be scaid wen A tell people bout de Good Nyews ob Christ, dat dey ain know.

James 1:5

Ef one ob oona hab need fa mo sense bout sompin, leh um aks God, an God gwine gim. Cause God da gii wid open han ta all people, an e heppy fa do dat. E ain gwine find no fault wid um.