Luke 18:19 - De Nyew Testament

¹⁹ Jedus ansa um say, “Hoccome ya da say A good? Ain nobody good cep fa God.

Luke 18:19 ပူးပေါင်းရင်းမြစ်များ

Luke 1:35

De angel ansa um, “De Holy Sperit gwine come ta ya. De High God dat great mo den all, e gwine sen e powa pon ya fa do dis. Cause ob dat, people gwine call dis chile fom God wa ya gwine hab, de God Chile, God own Son.

Luke 11:13

Ef oona wa ebil know how fa gii oona chullun good ting, oona Fada een heaben know mo den dat how fa gii de Holy Sperit ta dem wa aks um!”

Luke 18:18

One Jew leada come aks Jedus say, “Good Teacha, wa A mus do fa git ebalastin life?”

Luke 18:20

Ya know wa God Law chaage we fa do. ‘Mus dohn sleep wid oda man wife. Mus dohn kill nobody. Mus dohn tief. Mus dohn tell lie pon nobody. Mus pay mind ta ya fada an ya modda.’ ”

1 Timothy 3:16

De true ting dem ob we fait, wa nobody ain know til God show um, dey great fa sho, an nobody kin spute um. “Christ come eenta de wol een e flesh. God Sperit show dat e been right. Angel dem shim. People been tell de Good Nyews bout um all oba een diffunt nation. Een de wol heapa people bleebe pon um. An God done tek um op ta heaben een glory.”

Hebrew 7:26

Jedus, e de head man ob de priest dem, an e da gii we jes wa we need. Jedus good fa true een God eye. E ain neba do no sin. E ain got no fault een um. Een de wol, e ain lib like sinna dem. An now God done raise um op high een e place mo high den de mos high heaben.

James 1:17

God de one dat gii we all dem ting wa good fa true an wa betta mo den all. Dem ting wa good fa true come fom we Fada God ob all light, wa mek de sun, de moon, an de staa dem. God ain neba change, an e ain neba gwine ton way fom we an lef we een de daak atta e done mek e light shine pon we.