John 9:4 - De Nyew Testament

⁴ Long as de daytime las, we haffa do de wok wa de one wa sen me gii we fa do. Cause de night time da come, an dey ain nobody gwine be able fa wok den.

John 9:4 ပူးပေါင်းရင်းမြစ်များ

Matthew 20:7

Dey ansa um say, ‘Ain nobody aks we fa wok fa um.’ De man say, ‘Well den, oona gwine come an wok een me grape fiel too.’

Mark 3:3

Jedus tell de man wa hab e han cripple op say, “Come stanop yah ta de front ob we.”

John 10:32

Jedus tell um say, “A done do plenty miracle wa oona see, an me Fada gii me powa fa do um. Wish one ob dem miracle mek oona wahn fa stone me?”

John 10:37

Oona mus dohn bleebe me ef A ain da do wa me Fada da do.

John 12:35

Jedus tell um say, “De light gwine stay wid oona jes a leetle bit mo. Oona mus waak wiles de light dey dey, so dat de daak ain gwine meet oona wen oona da waak. Cause de one wa da waak een de daak ain know weh e da gwine.

John 17:4

A done bring glory ta ya mongst de people ob de wol. A done done de wok ya gii me fa do.

John 4:34

Jedus tell um say, “Wen A do wa de one wa sen me yah wahn me fa do, an finish op all de wok e gii me fa do, den dat me food.

John 5:19

Jedus ton ta de Jew leada dem an e say, “A da tell oona fa true, de Son cyahn do nottin by esef. E do jes wa e see e Fada da do. De Son cyahn do nottin mo den dat. Wasoneba de Fada do, dat wa de Son do too.

John 5:36

Bot wa A da do show wa A da fa true, mo den wa John say bout me. A da do all wa me Fada tell me fa do, jes dat. Dem wok yah wa A da do da mek people know who A da. Dey show dat me Fada sen me fa come eenta de wol.

John 7:33

Jedus say, “A gwine stay wid oona jes a leetle wile longa. Den A gwine back ta de one wa sen me fa come eenta de wol.

De Postle Dem 4:20

We ain able fa shet we mout an stop da taak bout wa we done see an yeh.”

Galatia 6:10

So den, any time we git de chance, we oughta do good ta all people, an eben mo ta we Christian bredren, cause dey blongst ta we fambly een Christ.

Ephesus 5:16

Ebry chance oona git fa do good, oona mus do all dat oona able fa do. Cause dis time yah a ebil time.

Colosse 4:5

Wen oona wid people wa ain trus een Christ, do ebryting wid sense. Ebry chance oona git, mus show um dat oona da lib Christ way.