John 8:20 - De Nyew Testament

²⁰ Jedus say dem wod wen e beena laan de people een God House, eenside de room weh de collection box been. Bot nobody ain res um cause de time fa res um ain come yet.

John 8:20 ပူးပေါင်းရင်းမြစ်များ

Matthew 26:55

Den Jedus tell de crowd say, “Oona haffa come da tote sode an big stick fa fight wid, fa grab hole ta me? A ain no tief. Ebry day A beena seddown da teach een God House, an oona ain neba grab hole ta me.

Matthew 27:6

De leada dem ob de priest dem pick op dem coin an say, “Dis blood money. We law ain leh we fa pit um een de place weh we da keep de money fa God House.”

Mark 12:41

Jedus been ta God House, an e seddown weh e been able fa see de box weh de people da pit offrin money. E beena look pon de people wiles dey beena come pit dey money eenta de box. Plenty rich people pit heapa money een dey.

Mark 12:43

Jedus call e ciple dem togeda an tell um say, “A da tell oona de trute. Dis po wida ooman done pit mo eenta de offrin box den all de oda people.

Luke 20:19

Now, dem Law teacha an dem priest leada ondastan dat Jedus been tell dat paable ginst dem. So dat same time, dey try fa ketch Jedus an hole um. Bot dey ain ketch um cause dey been scaid ob de people dey.

Luke 21:1

Jedus been ta God House. E beena look roun, an e see de rich people come an drop dey money wa dey da gii ta God eenta de money box dey.

John 10:39

Den de people try fa grab hole ta Jedus gin, bot e git pass um.

John 2:4

Jedus tell e modda say, “Ya ain fa tell me dem ting yah now. De time wen A fa do dem ting ain come yet.”

John 7:14

De holiday feas done been gone bout haf way wen Jedus gone ta God House an staat fa laan de people dey.

John 7:30

Den dey try fa grab hole ta Jedus an res um, bot ain nobody tetch um, cause de time fa tek um ain come yet.

John 7:44

Some ob de people been wahn fa grab hole ta Jedus an res um, bot nobody ain tetch um.

John 7:8

Bot oona go head on ta Jerusalem fa de Feas. A ain gwine dey cause de time fa me ain right.”

John 8:2

Day clean de nex day, Jedus gone back ta God House. All de people geda roun um an e seddown an e laan um.

John 8:59

Den de people pick op stone fa chunk pon Jedus, bot e hide an come out fom eenside God House.