John 8:11 - De Nyew Testament

¹¹ De ooman ansa say, “Ain nobody yah, sah!” Jedus tell um say, “A ain gwine condemn ya needa. Ya kin go now, bot mus dohn sin no mo.”]

John 8:11 ပူးပေါင်းရင်းမြစ်များ

Luke 13:3

No, A tell oona, e ain so! An ef oona dohn change oona sinful way, oona gwine git kill op jes like dem.

Luke 13:5

No, A da tell oona, ef oona dohn change oona sinful way, oona gwine git kill op jes like dem.”

Luke 15:10

A da tell oona fa true, jes like dey all rejaice wen dat ooman find e money, same fashion, God angel dem da rejaice tommuch wen eben jes one sinna change e sinful way an do wa God wahn um fa do.”

Luke 15:32

Bot we right fa feas an mek merry, cause ya broda done been dead, an now e da lib gin. E been loss, bot we done find um.’ ”

Luke 15:7

A da tell oona, same fashion, dem wa een heaben rejaice wensoneba eben jes one sinna change e way an do wa God wahn um fa do. Fa true, dey gwine rejaice fa dat one mo den fa ninety-nine oda res wa tink say dey ain haffa change dey way.

Luke 5:32

A ain come fa call dem wa tink dey da waak scraight wid God. A come fa call de sinna dem.”

Luke 9:56

[E say, “Oona ain know wa kind ob sperit dey een oona haat. Cause de Man wa Come fom God ain come fa tek way people life. E come fa sabe um.”] Den Jedus an e ciple dem gone long ta noda settlement.

John 18:36

Jedus tell Pilate say, “A ain a king like de king dem wa rule een dis wol. Ef A been a king like dat, me man dem been gwine fight fa me so dat de Jew dem ain res me. No, A ain a king like dem wa rule een dis wol yah.”

John 3:17

God ain sen e Son eenta de wol fa condemn um. God sen e Son fa come sabe de people shru e Son.

John 5:14

Jedus find dat man eenside God House. E tell um say, “Look yah, ya well now. Mus dohn sin no mo, or sompin mo wossa gwine happen ta ya.”

John 8:15

Oona da jedge like how people jedge oda people. A ain jedge nobody.

Rome 2:4

Ya tink dat God blessin pon oona ain mean nottin? Fa a long time, e da pit op wid ya, an e ain punish ya. Fa true, ya know dat God do ya sommuch good, cause e da try fa git ya fa change ya bad way an do wa e wahn ya fa do, ainty?

1 Corinth 5:12

Ain none ob me bidness fa jedge people wa ain eenside de choch. Bot oona oughta jedge dem wa eenside de choch wid oona, ainty?

2 Peter 3:15

We Lawd da beah wid all ting fa now, an oona oughta know, e da beah wid um fa gii people de chance fa be sabe. We deah broda Paul too beena write same ting ta oona bout dis, wid de sense wa God gim.