John 7:20 - De Nyew Testament

²⁰ De crowd ob people ansa say, “Ya got a debil dey een ya! Who dat da try fa kill ya?”

John 7:20 ပူးပေါင်းရင်းမြစ်များ

Matthew 10:25

E good nuff fa de one wa laan fa be same like de one wa laan um, an fa de saabant fa be same like e massa. Ef people beena call de head man ob de house, say e Beelzebub, fa sho dey gwine say ting eben mo wossa bout dat man fambly.

Matthew 12:24

Wen de Pharisee dem yeh bout dat, dey say, “Dat jes de Debil Beelzebub, de leada ob de ebil sperit dem, wa da gii dis man Jedus de powa fa dribe out ebil sperit.”

Matthew 9:34

Bot de Pharisee dem say, “De leada ob de ebil sperit dem, e de one wa gii Jedus powa fa dribe ebil sperit outta people.”

Mark 3:30

Jedus say dat cause some people beena say, “Ebil sperit dey eenside Jedus.”

John 10:20

Heapa dem say, “A ebil sperit dey een dat man! E mad! Hoccome oona da listen ta um?”

John 8:48

De Jew people aks Jedus say, “Ain we da tell de trute wen we say ya come fom Samaria an ya got a ebil sperit dey een ya?”

John 8:49

Jedus say, “A ain got no ebil sperit, bot A gii hona ta me Fada. An oona ain gii me no hona tall.

John 8:52

Den de Jew dem tell Jedus say, “Now we know fa sho dat ya got a ebil sperit dey een ya! Abraham done dead, an all de prophet dem dead. Stillyet ya say, ‘Ebrybody wa da do wa A da laan um, dey ain neba gwine dead.’

De Postle Dem 26:24

Wen Paul say dat, Festus holla say, “Paul, ya crazy! Ya done study an laan sommuch til dat da mek ya crazy!”