John 7:15 - De Nyew Testament

¹⁵ De Jew leada dem stonish, an dey aks say, “Hoccome dis man know sommuch wen e ain been ta school eben one day?”

John 7:15 ပူးပေါင်းရင်းမြစ်များ

Matthew 13:54

E gone back ta e home town. E staat fa laan de people een dey meetin house. An de people dem wa yeh um dey been stonish. Dey say, “Weh dis man git dis sense an de powa fa do dem miracle yah?

Matthew 22:22

Wen dey yeh wa Jedus tell um, dey been stonish down. So dey lef um an gone way.

Matthew 22:33

Dat dey wa Jedus beena laan de people mek um stonish.

Luke 2:47

All de people wa yeh Jedus been stonish cause de chile hab sommuch sense an mek ansa ta de queshon.

Luke 4:22

De people dem all taak good bout Jedus. Dey stonish cause e know how fa pit e wod jes so. An dey say, “Ain dis Joseph boy?”

John 1:19

De Jew leada dem een Jerusalem sen Jew priest an Levite ta John fa aks um say, “Who ya da?”

John 7:11

De Jew leada dem beena look fa Jedus dey. Dey beena aks de people fa um say, “Weh dat man dey?”

John 7:13

Bot nobody ain taak loud bout Jedus fa mek de crowd yeh cause dey been scaid ob de Jew leada dem.

John 7:46

De gyaad dem ansa say, “Nobody ain neba taak like dis man yah.”

De Postle Dem 26:24

Wen Paul say dat, Festus holla say, “Paul, ya crazy! Ya done study an laan sommuch til dat da mek ya crazy!”

De Postle Dem 4:13

Now den, de leada dem een de Jew Council see dat Peter an John been people jes like ebrybody else, an dey ain hab no school laanin. Bot Peter an John ain been scaid fa taak ta um bout Jedus. Dat mek dem leada stonish, an mek um know dat Peter an John beena waak wid Jedus.