John 6:33 - De Nyew Testament

³³ Cause de bread wa God da gii, dat de one wa da come down fom heaben an da gii people een de wol de true life.”

John 6:33 ပူးပေါင်းရင်းမြစ်များ

John 13:3

Jedus been know dat de Fada been gim all powa fa win out oba ebryting. E been know dat e come fom God an e gwine go back ta God.

John 16:28

A come fom de Fada eenta de wol, an now A da gwine fom de wol an A da gwine back ta me Fada.”

John 17:8

Cause A done gim de wod wa ya gii me, an dey done pay mind ta um. Dey know dat A come out fom ya fa true, an dey bleebe ya been sen me eenta de wol.

John 3:13

Dey ain nobody neba gone op ta heaben cep de Man wa Come fom God, wa come down outta heaben.

John 6:32

Jedus tell um say, “A da tell oona fa true, ain Moses wa been gii oona de bread wa come fom heaben. Me Fada, e de one wa da gii oona de true bread wa come fom heaben.

John 6:38

Cause A come down fom heaben fa do wa de one wa sen me wahn me fa do. A ain come down fom heaben fa do wa A wahn.

John 6:41

Den de Jew dem staat fa aagy ginst um, cause Jedus say, “A de bread wa come down fom heaben.”

John 6:48

A de bread wa da gii life.

John 6:50

Bot dis de bread wa come down fom heaben, dat a poson kin nyam an e ain gwine dead.

John 6:58

Dis de bread wa come down fom heaben. E ain like dat bread we ole people beena nyam wen dey been dey een de wildaness. Atta wile, dey done dead. Bot de one wa nyam dis bread yah, e gwine git life wa ain neba gwine end.”

John 8:42

Jedus say, “Ef God been oona Fada fa true, oona been gwine lob me. Cause A come fom God fa come yah. A ain jes come on me own, bot me Fada God sen me.

1 Timothy 1:15

See yah, dis wod true fa sho, wa A gwine tell ya, an all people oughta bleebe wa dat say: Jedus Christ come eenta de wol fa sabe sinna dem. An A de one wa sin mo den all de oda res.