John 5:29 - De Nyew Testament

²⁹ Dey gwine git op outta dey grabe. Dem wa beena do good gwine git op outta dey grabe an git life wa las faeba. Bot dem wa beena do bad, dey gwine git op outta dey grabe an git jedge.

John 5:29 ပူးပေါင်းရင်းမြစ်များ

Luke 14:14

Dem people ain able fa gii ya de payback fa de good ya done fa um. Bot God gwine bless ya fa dat good ya done. E gwine gii ya de payback pon de day wen dem dat done wa God say gwine git op fom mongst de dead an lib gin.”

De Postle Dem 24:15

A hab de same hope jes like de Jew dem hope, dat God gwine mek all people, de good an de bad, lib gin.

1 Timothy 6:18

Chaage um fa do good. Dey mus be rich een de heapa good wok dat dey da do all de time. Dey mus hab free han, da wahn fa gii people ting, an da share wa dey got.

Hebrew 10:27

Ef a poson da sin dat way, e oughta be scaid cause e ain got nottin mo fa do bot fa wait fa God fa jedge um an fa de big fire wa gwine bun op dem wa da fight ginst God.

Hebrew 13:16

Mus dohn fagit fa do good an fa hep one noda, cause dem de kind ob sacrifice wa da please God.

1 Peter 3:11

Mus dohn do no bad no mo. Mus do good. Mus try haad all de time fa lib peaceable wid people.