John 5:23 - De Nyew Testament

²³ E do dat so dat all people gwine gii hona ta de Son same like how dey gii hona ta de Fada. Dem wa ain gii hona ta de Son, dey ain gii hona ta de Fada wa sen de Son eenta de wol.

John 5:23 ပူးပေါင်းရင်းမြစ်များ

Matthew 10:37

“Whosoneba lob e fada or e modda mo den me, e ain fit fa be me ciple. Whosoneba lob e son or e daughta mo den me, e ain fit fa be me ciple.

Matthew 11:27

Jedus tell de people say, “Me Fada done gii me powa oba ebryting. Ain nobody know de Son cep fa de Fada. An ain nobody know de Fada cep fa de Son an dem wa de Son pick fa mek um know de Fada.

Matthew 12:21

An all people gwine pit dey hope een um.”

Matthew 15:8

‘Dese people yah da hona me wid dey mout, bot dey haat ain dey wid me.

Matthew 28:19

So den, oona mus go ta all de people all oba de wol an laan um fa be me ciple dem. Oona mus bactize um een de name ob de Fada God, an de name ob de Son, an de name ob de Holy Sperit.

Luke 10:16

Jedus tell e ciple dem say, “Anybody wa pay oona mind, dat poson da pay me mind. Anybody wa ton way fom oona, e done ton way fom me. An anybody wa ton way fom me, e done ton way fom de one wa sen me.”

John 14:1

Jedus tell e ciple dem say, “Mus dohn leh oona haat be hebby. Mus trus God, an trus een me too.

John 16:14

E gwine gii hona ta me, cause e gwine tek me wod an mek oona know wa A say.

John 17:10

All me own people blongst ta ya, an all ya own people blongst ta me, an dey da bring glory ta me.

Rome 1:7

So A da write ta all ob oona een Rome, oona wa God lob an wa e call fa be e own people. A da pray dat God we Fada an de Lawd Jedus Christ bless oona an gii oona peace een oona haat.

Rome 15:12

An Isaiah, too, say, “One poson fom Jesse fambly line gwine come. God gwine mek um rule oba all de nation dem, an dey gwine pit dey hope een um.”

Rome 6:22

Bot now God done set ya free so dat sin ain rule oba ya no mo. Oona God slabe now. Oona done gii God all oona life fa lib fa um fa true. An dat life gwine las faeba an eba. Dat de payback ya git!

Rome 8:9

Bot oona ain da do wa ya sinful haat tell ya fa do. Ya da do wa God Sperit tell ya, ef God Sperit da lib dey eenside ya. An ef Christ Sperit ain da lib eenside a poson, dat one dey ain blongst ta Christ.

1 Corinth 1:3

We pray fa God we Fada an we Lawd Jedus Christ bless oona an gii oona peace een oona haat.

1 Corinth 10:31

Ebryting oona do, ef ya da nyam or ya da drink or ya da do oda ting, ya oughta do ebryting een susha way dat God git de praise fa um.

1 Corinth 16:22

Ef dey somebody wa ain got no lob fa de Lawd, leh dey be a cuss pon um. We Lawd da come!

1 Corinth 6:19

Ain oona know dat oona body God House, weh de Holy Sperit da lib dey dey eenside oona? Oona ain blongst ta oona own sef. Oona blongst ta God.

2 Corinth 1:9

We tink dat we gwine dead fa sho. Bot dat happen fa show we dat we ain oughta pend pon wesef. We mus pend jes pon God. E de one wa mek dead people lib gin.

2 Corinth 13:14

A pray dat we Lawd Jedus Christ bless all ob oona, an dat oona gwine know how God da lob oona, an dat oona jine han wid one noda jes like de Holy Sperit mek oona able fa do.

2 Corinth 5:14

De lob ob Christ fa we da rule oba we, cause we know fa sho, dat one man done dead fa all people. An dat mean dat all people done dead wid um.

2 Corinth 5:19

Dat mean fa say dat God mek all ting right twix esef an people cause ob wa Christ done. God ain memba people sin ginst um no mo fa punish um. An e chaage we fa go tell people how e mek all ting right twix God an dem.

Ephesus 6:24

An A pray dat God bless all dem wa lob we Lawd Jedus Christ wid lob wa ain neba gwine end.

2 Timothy 1:12

Dat hoccome A da suffa dem ting yah. Stillyet, A ain shame tall, cause A know de one dat A trus een. An A know fa true dat e able fa keep safe all dat A trus um fa, til dat day.

Hebrew 1:6

An wen God been bout fa sen e fusbon Son eenta de wol, God say too, “Leh all God angel woshup me Son.”

2 Peter 1:1

A Simon Peter, wa da wok fa Jedus Christ an A one ob e postle dem, A da write ta oona wa trus een Christ. God gii oona dat fait same like we own, an dat fait mo betta den ting wa money kin buy. Jedus Christ, we God an Sabior, e da do wa right.

2 Peter 3:18

Steada dat, laan mo an mo bout we life een we Lawd an Sabior Jedus Christ. Lib so dat oona gwine see mo an mo how God da bless oona. Leh we gii Christ glory now an faeba mo! Amen.

1 John 2:23

Ef somebody ain wahn fa hab nottin fa do wid God de Son, needaso e cyahn hab nottin fa do wid God de Fada. Bot de one wa da tell people, say Jedus, e God Son, e got God de Fada too.

2 John 1:9

Wen somebody ain da laan people jes wa Christ laan um an no mo, bot e da laan um oda ting mix een, dat one dey ain hab God een e haat. De one wa da laan people jes wa Christ laan um, dat one hab de Fada an e Son dey een e haat.