John 5:16 - De Nyew Testament

¹⁶ So den de Jew leada dem staat fa do Jedus bad cause e mek de man well pon de Woshup Day.

John 5:16 ပူးပေါင်းရင်းမြစ်များ

Matthew 12:13

Den Jedus tell de man wa han been flicted say, “Scretch out ya han!” De man do wa Jedus tell um, an e han git well gin, same like de oda one.

Mark 3:6

De Pharisee dem gone outta de Jew meetin house. Dey gone meet right way wid some ob King Herod people fa see how dey gwine kill Jedus.

Luke 6:11

De Law teacha an de Pharisee dem been mad down. Dey aks one noda say, “Wa we kin do ta Jedus?”

John 1:19

De Jew leada dem een Jerusalem sen Jew priest an Levite ta John fa aks um say, “Who ya da?”

John 10:39

Den de people try fa grab hole ta Jedus gin, bot e git pass um.

John 15:20

Mus memba wa A done tell oona say: ‘De saabant ain no mo betta den e massa.’ De people mek me suffa, an dey gwine mek oona suffa too. Some ob dem beena do wa A laan um, an dey gwine do wa oona laan um.

John 5:10

So de Jew leada dem see de man wa been sick an done git well, da tote e mat. Dey tell um say, “Dis yah we Woshup Day, an e ginst we Law fa ya fa tote ya mat pon we Woshup Day.”

John 5:13

De man wa Jedus been mek well ain know who dat been, cause dey been a heapa people dey, an Jedus done slip way.

John 5:15

Den de man lef Jedus an gone fa tell de Jew leada dem say, dat man wa mek um well, e name Jedus.

John 5:17

Jedus tell um say, “Me Fada da wok all de time eben ta now, an A da wok too.”

John 5:18

Wen Jedus say dat, de Jew leada dem cide fa kill um fa sho, cause e broke de Jew Law pon de Woshup Day. An den too, e eben say dat God e own Fada, so e mek esef same like God.

John 7:21

Jedus ansa um say, “Oona all been stonish wen A done one miracle.

John 7:25

Den some de people dey een Jerusalem beena aks say, “Dis de man wa de Jew leada dem da try fa kill, ainty?