John 4:42 - De Nyew Testament

⁴² Den dey tell de ooman say, “We bleebe now. Dis time yah, e ain jes cause ob wa ya been tell we. We bleebe now cause wesef done yeh um. An we know dat e de Sabior ob de wol, fa true.”

John 4:42 ပူးပေါင်းရင်းမြစ်များ

Matthew 1:21

E gwine hab son, an ya mus gim de name Jedus, cause e gwine sabe e people fom dey sin.”

Luke 2:32

E de light wa gwine mek dem dat ain Jew know ya trute, an bring glory ta ya Israel people.”

John 1:29

De nex day John see Jedus da come ta um. An e say “Look yonda, de Lamb ob God da come fa tek way de sin ob people all oba de wol!

John 11:17

Wen Jedus git ta Lazarus place, e find out say Lazarus been dead fo day.

John 17:8

Cause A done gim de wod wa ya gii me, an dey done pay mind ta um. Dey know dat A come out fom ya fa true, an dey bleebe ya been sen me eenta de wol.

John 4:29

E tell um say, “Oona mus come see a man wa tell me ebryting A done done. Oona tink e de Messiah?”

John 4:41

Cause e taak ta de people dey, a heap mo ob um come fa bleebe pon Jedus.

De Postle Dem 13:23

Jedus one ob David chullun chullun. An God pick um fa sabe e Israel people. Dat happen same like God been promise.

De Postle Dem 4:12

Ain nobody bot Jedus able fa sabe people. Een all de wol ain nobody else, no oda name dat God gii ta people so dat we kin git sabe.”

De Postle Dem 5:31

God gii Jedus tority an powa an mek um seddown ta e right han side fa be we Leada an we Sabior. E done dat fa gii de people ob Israel de chance fa ton fom dey sin an change how dey lib. Den God kin paadon um fa dey sin.

2 Corinth 5:19

Dat mean fa say dat God mek all ting right twix esef an people cause ob wa Christ done. God ain memba people sin ginst um no mo fa punish um. An e chaage we fa go tell people how e mek all ting right twix God an dem.

1 Timothy 4:10

An dat mek we wok mo scronga, an we keep on da try haad. Cause we trus fa true een God, wa da lib faeba, de Sabior ob all people, an specially dem wa bleebe.

1 John 2:2

An Jedus de one wa done sacrifice esef so dat God kin tek way we sin. An ain jes we own sin dat e da tek way. E da tek way de sin ob de whole wol.

1 John 4:14

We done see e Son an we tell people say, God done sen e Son fa come sabe de people ob de wol.

1 John 5:20

An we know dat de Son ob God done come an mek we know de true God. We da lib een de God wa true, een e Son, Jedus Christ. Dis de true God an de life wa ain gwine neba end.