John 3:13 - De Nyew Testament

¹³ Dey ain nobody neba gone op ta heaben cep de Man wa Come fom God, wa come down outta heaben.

John 3:13 ပူးပေါင်းရင်းမြစ်များ

Matthew 28:20

Oona mus laan um fa do all wa A done chaage oona fa do. An fa sho, A gwine be dey wid oona all de time til de time end.”

Matthew 8:20

Jedus tell um say, “De fox got hole een de groun, an de bod wa fly roun op een de air, dey got nes. Bot de Man wa Come fom God ain got noweh fa lay e head fa res.”

John 1:18

Nobody ain neba see God. Bot God onliest Son, e one wid e Fada, an de Son mek people know who God da.

John 13:3

Jedus been know dat de Fada been gim all powa fa win out oba ebryting. E been know dat e come fom God an e gwine go back ta God.

John 17:5

Fada, gii me glory now een de place weh ya da. Gii me dat same glory wa A hab fo de wol staat.

John 3:12

Oona ain bleebe me wen A tell oona bout dem ting wa dey een dis wol. So den, how ya gwine bleebe me wen A tell ya bout dem ting wa dey een heaben?

John 3:31

De one wa come fom heaben, e oba all. De one wa dey een dis wol blongst ta dis wol, an e da taak bout dis wol own bidness. Bot de one wa come fom heaben, e oba all.

John 6:33

Cause de bread wa God da gii, dat de one wa da come down fom heaben an da gii people een de wol de true life.”

John 6:38

Cause A come down fom heaben fa do wa de one wa sen me wahn me fa do. A ain come down fom heaben fa do wa A wahn.

John 6:42

Dey say, “Dis man yah Jedus, Joseph son, ainty? We know e fada an e modda. How e kin say now, ‘A come down fom heaben?’ ”

John 6:46

Dat ain mean fa say dat dey done see de Fada. Ain nobody see de Fada cep de one wa come fom God. E de onliest one wa see de Fada.

John 6:51

A de bread wa da gii life, wa come down fom heaben. Ebrybody wa da nyam dis bread, dat one gwine git true life wa ain neba gwine end. Dis bread wa A gwine gii, dat me body wa A gwine gii fa be a sacrifice so dat all people een de wol kin git true life.”

John 6:62

Well den, wa gwine happen ef oona see de Man wa Come fom God da go back op ta de place weh e come fom?

John 8:42

Jedus say, “Ef God been oona Fada fa true, oona been gwine lob me. Cause A come fom God fa come yah. A ain jes come on me own, bot me Fada God sen me.

De Postle Dem 2:34

Cause David ain gone op eenta heaben, stillyet e say, ‘De Lawd tell me Lawd say, Seddown yah ta me right han side,

De Postle Dem 20:28

Oona mus watch out how oona da lib, an mus mind all de flock ob God people yah. De Holy Sperit done mek oona sponsable fa um. Oona mus tek cyah ob God people een de choch, jes like de shephud cyah fa e sheep. Cause God own Son, de Lawd Jedus, dead fa mek de people ob de choch blongst ta God.

Rome 10:6

Bot wa dey write een God Book bout de way God mek all ting right twix esef an de people wa bleebe pon um, dis wa e say: “Mus dohn say een ya haat, who dat gwine go op eenta heaben?” (so dat e kin bring Christ down fa hep we).

1 Corinth 15:47

God done tek de dort ob de groun een dis wol fa mek de fus man. De secon man come fom heaben.

Ephesus 1:23

De choch, e Christ body, an dat body full op wid Christ, de one wa da full ebryting een ebry way.