John 20:14 - De Nyew Testament

¹⁴ Wen Mary say dat, e ton roun an e see Jedus da stanop dey. Bot Mary ain know dat been Jedus.

John 20:14 ပူးပေါင်းရင်းမြစ်များ

Matthew 28:9

Wiles dey beena gwine, all ob a sudden Jedus meet um, tell um say, “Good maanin.” De ooman dem gone an git down pon de groun fo um an tek hole ta e foot fa woshup um.

Mark 16:12

Noda time atta dat, two man wa beena waak wid Jedus beena gwine ta one willage. Wiles dey da waak, Jedus come ta um, bot e look diffunt.

Mark 16:9

Now den, aaly een de maanin pon de fus day ob de week, Jedus done rise op fom mongst de dead people, da lib gin. E come fus ta Mary Magdalene. Mary been de ooman wa been hab seben ebil sperit eenside um wa Jedus done dribe outta um.

Luke 24:16

Dey shim, bot dey ain recognize who e been.

Luke 24:31

Same time Jedus do dat, e been like de man dem eye been open op, an dey recognize dat Jedus esef dey wid um. Bot den Jedus jes disappeah an dey ain shim.

Luke 4:30

Bot Jedus waak shru de middle ob de people an gone pon e way.

John 21:4

Day clean, Jedus gone an stanop pon de sho. Bot de ciple dem ain been know dat been Jedus.

John 8:59

Den de people pick op stone fa chunk pon Jedus, bot e hide an come out fom eenside God House.