John 19:9 - De Nyew Testament

⁹ E gone back eenside de bighouse an aks Jedus say, “Weh ya come fom?” Bot Jedus ain ansa um.

John 19:9 ပူးပေါင်းရင်းမြစ်များ

Matthew 26:63

Bot Jedus ain neba say a mumblin wod. De head man taak ta um gin say, “A da chaage ya een de name ob God wa da lib faeba, ya mus sweah fa tell we ef ya de Messiah, de Son ob God.”

Matthew 27:27

Pilate sodja dem tek Jedus eenta Gobna Pilate bighouse, an all de sodja dem wa lib dey geda roun Jedus.

Luke 23:9

Herod quizzit Jedus tommuch, bot Jedus neba ansa um eben a wod.

John 18:28

Day clean, de gyaad dem tek Jedus way fom Caiaphas house an gone ta de Roman gobna bighouse. Bot de Jew dem ain gone eenside de gobna bighouse. Cause dey Law say ef dey gone eenside de house weh people wa ain Jew da stay, dey ain gwine be clean een God eye, an dat gwine mek um so dey ain fit fa nyam de Passoba Feas. Now de Jew dem been wahn fa nyam de feas.

John 18:33

Pilate gone eenside de bighouse ta de place weh dey jedge people. Den e mek um tek Jedus an come meet um eenside dey. E quizzit Jedus say, “Ya de King ob de Jew people dem?”

John 18:34

Den Jedus aks Pilate say, “Dat wa ya tink? O dat wa oda people tell ya bout me?”

John 18:37

Pilate aks um say, “Well den, dat mean ya a king, ainty?” Jedus ansa say, “Ya right wen ya say A a king. Dat hoccome A come eenta de wol. A bon fa tell people de trute. All dem wa lob trute, dey da pay mind ta me wod.”

John 19:10

Pilate aks um say, “Ya ain gwine taak ta me? Ain ya know dat A hab de powa fa leh ya go, an A hab de powa too fa mek um nail ya ta de cross?”

John 19:8

Wen Pilate yeh wa dey say, e been eben mo scaid.

John 8:14

Jedus ansa um say, “Ain nobody yah fa stan fa me. Bot A da taak true, cause A know weh A come fom an weh A da gwine. Oona ain know weh A come fom an oona ain know weh A da gwine.

Philippi 1:28

Mus dohn be scaid ob oona enemy dem. An dat gwine show um dat God gwine sabe oona, bot dey gwine git stroy.