John 18:26 - De Nyew Testament

²⁶ Den noda man come op ta Peter. E been one ob de saabant dem wa wok fa de head man an e been kin ta de man wa got e yea cut off. E aks Peter say, “A done see ya wid um een de olib gyaaden, ainty?”

John 18:26 ပူးပေါင်းရင်းမြစ်များ

Matthew 26:73

Atta a leetle bit, de man dem wa da stan roun dey come op ta Peter an tell um, say, “Fa sho, ya one ob dem wa been dey wid Jedus. De way ya da taak show dat fa true ya come fom dey!”

Luke 22:58

Atta wile, a man beena watch Peter. Dat man say, “Ya one ob dem wa been wid Jedus dem too!” Bot Peter ansa say, “Man, A ain!”

John 18:1

Wen Jedus been pray dem wod, e an e ciple dem lef dat place. Dey cross oba a creek wa dey call Kidron. Den e gone wid e ciple dem eenta a gyaaden dey wa hab plenty olib tree.

John 18:10

Simon Peter beena tote a sode. E pull out de sode an hit de saabant ob de head man ob de Jew priest leada dem, an e cut off dat saabant right yea. Dat saabant been name Malchus.