John 18:17 - De Nyew Testament

¹⁷ De gyal wa been by de gyate aks Peter say, “Ya noda one ob dat man ciple dem, ainty?” Peter ansa say, “No, A ain e ciple!”

John 18:17 ပူးပေါင်းရင်းမြစ်များ

Matthew 26:33

Peter tell Jedus say, “Eben ef all de oda ciple dem bandon ya, A ain neba gwine bandon ya!”

Luke 22:54

Dey grab hole ta Jedus an tek um ta de head man ob de Jew priest dem, eenta e house. Peter folla long hine um bot e ain git close ta um.

John 18:16

Bot Peter been lef outside ta de gyate. De oda ciple, wa de head man know good, come out gin. E taak ta de gyal wa beena keep watch by de gyate, an e tek Peter eenside de yaad.

John 18:25

Peter been still dey close ta de fire da waam esef. De oda people wa been dey aks um say, “Ya ain noda one ob dat man ciple dem, ainty?” Peter say, “No, A ain e ciple!”

John 18:5

Dey ansa say, “We da look fa Jedus wa come fom Nazareth.” Jedus say, “Dis yah me. A Jedus.” Judas, wa come fa han Jedus oba, beena stanop dey wid dem people.

John 18:8

Jedus ansa um say, “A done tell oona dat A Jedus. Ef oona da look fa me, leh dese oda man go den.”

John 21:15

Atta dey been nyam, Jedus aks Simon Peter say, “Simon, John son, ya lob me fa true mo den all dem oda ciple yah lob me?” Peter ansa Jedus say, “Yeah, Lawd, ya know A lob ya.” Jedus tell um say, “Ya mus feed me lamb dem.”

De Postle Dem 12:13

Peter knock pon de gyate door, an a ooman name Rhoda, wa beena wok dey, come fa open de door.