John 16:20 - De Nyew Testament

²⁰ A tell oona fa true. Oona gwine weep an wail, bot de people een de wol gwine rejaice fa true. Oona gwine be burden down, bot by an by oona gwine rejaice fa true.

John 16:20 ပူးပေါင်းရင်းမြစ်များ

Matthew 21:38

Bot wen de faama dem see de owna son, dey tell one noda say, ‘Dat de son wa dis propaty yah gwine be lef ta. Leh we kill um, so dat de propaty gwine come ta we.’

Matthew 5:4

Dey bless fa true, dem wa saaful now, cause God gwine courage um.

Mark 14:72

Same time e say dat, a cock crow noda time. Peter memba wa Jedus done been tell um. Jedus done been say, “Fo de cock crow two time, ya gwine say shree time dat ya ain know me.” Peter buss out da cry.

Mark 16:10

Atta Mary see Jedus, e gone ta dem people wa beena folla longside um. Dey still beena cry out an moan cause Jedus done dead. Mary tell um all wa done happen.

Luke 22:45

Wen Jedus git op fom e pray, e gone back ta de ciple dem. Bot e see dat dey beena sleep, cause dey haat been too hebby.

Luke 22:62

Peter gone outta de yaad an e cry bitta teah.

Luke 23:27

A whole heapa people beena folla Jedus. Some dem ooman wa beena folla um beena weep an wail fa um.

Luke 24:17

Jedus aks dem say, “Wa oona da taak bout togeda wiles oona da waak long?” De two man stop an stan still, an dey look too sad.

Luke 24:21

We been tink dat Jedus been gwine free de Israel people! Pontop ob dat, taday mek shree day since all dat happen.

Luke 6:21

Oona bless fa true, oona wa hongry now, cause God gwine gii oona all oona wahn fa nyam. Oona bless fa true, oona wa da cry now, cause oona gwine laugh later on.

John 16:33

A done tell oona all dem ting yah so dat oona wa come fa be one wid me kin hab peace een oona haat. Een dis wol oona gwine hab trouble pon ebry han, bot mus dohn be scaid! A done win out oba de wol!”

John 16:6

Now dat A done tell oona all dis, oona haat hebby.

John 20:20

Atta e say dat, e show um de cut een e han an e side. An wen de ciple dem see de Lawd, dey been full op wid joy.

De Postle Dem 5:41

De postle dem come out fom de Council an dey beena rejaice fa true, cause dey been good nuff fa suffa an git punish fa Jedus sake.

Rome 5:11

An dat ain all. We da rejaice cause ob wa we Lawd Jedus Christ done, wen e bring we back ta God.

2 Corinth 6:10

We kin hab hebby haat, bot we da rejaice all de time. We ain got plenty ting, stillyet we da mek a whole heapa people rich een fait. E seem like we ain got nottin, bot we got all ting fa true.

Galatia 5:22

Bot God Sperit da mek people good like a tree da grow good fruit. God Sperit da mek people lob one noda. E da mek um hab joy een dey haat. E da mek um gree wid one noda. E da mek um able fa beah trouble, an e da mek um hep one noda. E da mek um do good ta one noda. An e da mek um able fa do wa e wahn um fa do.

1 Thessalonica 1:6

Oona beena do dem ting dat oona see we an de Lawd da do. Eben dough people beena mek oona suffa fa true, oona bleebe de Good Nyews bout Jedus Christ wid joy wa de Holy Sperit pit een oona haat.

James 1:2

Me Christian bredren, wen all kind ob ting come wa mek oona suffa, mus ondastan dat oona oughta be full op wid joy.

Jude 1:24

So den, leh we praise de one wa able fa keep oona so oona ain gwine fall eenta sin. E able fa keep oona so dat oona ain guilty ob no sin tall een oona life, wen e gwine bring oona wid joyful haat ta de glory place weh e dey.

Revelation 11:10

De people een de wol gwine rejaice wen dem two prophet yah dead. Dey gwine mek merry an gii one noda gif, cause dem two prophet yah done beena mek um suffa tommuch.

Revelation 18:7

Leh um git lick an suffa good fashion, an mek e haat hebby, jes like e been mek esef big wid powa an e been able fa hab all kind ob ting. Cause e da taak ta esef say, ‘A de queen, da seddown pon me shrone! A ain no wida ooman. A ain neba gwine weep an wail fa nobody!’